Mang zhang wuiyak ra

时间:2020-12-25 09:17:59

  Mang zhang wui mang zhang pu

  Mangzo bve ri olvang ki pebu

  Sanghi ma subve mang e za myang

  Kinyi zhe zhang ngagung yvang ma zhe lo be

  Sumzai byuze nyiwui ro

  Sumbun wadoq yakkak ro

  Akui ngo mai mangzo pu qo dai wu ba

  Mang lo zhang nopyo we

  Byinchang dai e dang awo jo

  Nam ma byu ri amyang qang

  Muipuq Nong ngvu zhang

  Mituq Laq dut lang

  Myoqzhi migva ngaubyi yui

  Myoqzhvun myoqqi toq alan

  Nvo mai nvaptoq ri sut a-ung

  Zojvo zoshang ngo ri byugo zvuq

  Buinum auzo ngo ri zhang

  Dumo ishu ngo ri pebu myving

  Zuijo wuishung ngingdung mo

  Tan e zoze awo nve

  Sho eq baiyup myvi gvat zhang

  Qung ma lo we dvo mu soqshe arot shimoq lo

  Zowui dum ngvut zhang

  Izhvam ri agvam le byi shuq

  Advau qo shu ri ga dum nvikyo

  Zangzo wuishuq ri qungjo ayun

  Yuqkang yuqmo ngo ri pebu mying

  Joqmyvo zhe lo zhang lai ngam hik ri

  Ucam pyuzo gi myvamyva

  Joqnan le gi gvokgvok

  Muqjvup zvung lui yvup dvo ri

  Buimo kau ma ngam le soso

  Gungshut puq e puq lo yvup ri awo yvup

  La gungdu myoqloq myoqke no le

  apzvai eq tau e su ga

  Mau abo shi ma yvup ri awo yvup

  Lamyin yvumbvan toq le summyi dam

  Joq su sunhing ga joq le no le ashau dyvo……

  Mang lo zhang ungkau zhino ri zhe bo lo

  Qungzvau zvau wamnvap no le ashau

  Qungjoq bye le gi labum bum

  Mo zo wui ri ngo ri pebu mying

  Hikun le su asan seng ga

  Ximyo ban mang ri shi ri adat shi

  Kimyvang zhe nyi shi ra lvu ga

  Mang lo zhang

  Qiloq bying no le qigoi loqgoi ri awo nyvang

  Qoso ri dumbang tuq ra dut

  Yvuppyang doq yvup ri bummyvang doq eq lazhung za

  Mang lo zhang mizving ri atan loq

  Loq ma ze waq dvo lui,

  Yvumkau yvumbvan ho na wun

  Mang zhang wui ro mang zhang yakkak ro

  Dai lvang a-ung ban dai o……

  Asu byunyi labyvat gi

  Abun su ga ma lai lo be

  O ri mangzo ri ki pebu

  Lanyi gi nang ri dat mang le

  Mangzo bve ri dat kungga paudvap

  Zoshang wui ri dat binghung zhang

  Tangpyang nungzo nungshu bve ri

  Nang shuq su yu zam su tung lui

  Gapnang gapcoq chung ging jo lo zhang

  Tangpyang nang ri zhe myang kungga pau dvap

  Nyingon wangzan byu dut dvo lang bi ra