Wui lvoq jvoi ra lvomdang dvira

水污染防治法

时间:2020-12-22 15:47:16

  21、Nambvat 36kat ri 40kat gvut lai mai,2gvoq dum gvat lvuq lui,nambvat 1gvoq eq 2gvoq gvut: Boibyo chi sai sutho rung eq zhakrung zup pong zhang、cangpun kong bvau zhang、ajo atang e kongbvat zhoq bum zhang、juqwam ze zhvom byvam zhang、lvulva ze myvup byvam zhang bve pong bang eq gon lazhang rungwap bang,jvoigot wui zhvum but shun ra lvomdvang dvo mai,myite wui jeng pyang zhepgve wu ra wuikum ri du dvo gvut, myite wui alvoq lvu ra su gvut lvom zing dvo ra dut le. Modo cu gvat zhang bve ma e bang myite ma myvup dvo e cubvung mo 2byvam dut gu sai chung, angvut zhang cu awo zhvum rot e dongkong du sai chung mai, zhvum butshun haimu ra anum zhep wu nyi, myite wui lvoqjvoi ra lvomdvang nyi gvut ra dut le ga misat dvo be.

  22、Nambvat 38kat ri 42kat gvut lai lui,lagvoq gvat lvuq mai,nambvat 2gvoq zo gvut: Du byvam dvo be kongbvau dong、jvungtong dong angvut zhang kamshuq wuikum dong bve ma,bvakcau dvo angvut zhang zingcau dvo gvut ra dut le ga misat dvo be.

  23、Lakat gvat lvuq lui,nambvat 45kat gvut: Zhakmu wui pik shoq e sutho rung bang ge e zuisai yung yu toq lui,zhakmu zuisai qo mai lvoq toq gvat e jvoigot wui qom shoq zving dvo mai dum zhinzhvoi byvam gvut, mili alvoq lvu ra su gvut zhe ra dut le. Duq bo wui arvang zhe advan dvan gvut qom gam zhinzhvoi ra dut le,godvu wui ma nyvo lui age pik shoq byvam.

  Zhakrung zup pong zhang ma seng-ang e jvoigot wui qom zhinzhvoi zhang sai dvo,yvangbau zhep wu nyi ze ri sai dvo gvut lui,mili migum mugon rung ma e zhepgve wu wangloq ma bo bvong wang mai,zhepgve wu ze ayang wo chung nyi shoq gvut ra dut le.

  Jvoigot wui lvom zhinzhvoi zhang ma zhakmu wui pik shoq gvat zhang,mingdan seng-ang e misat zhvum ma chang lui jvoigot wui lvom zhinzhvoi ra zhakking ze sai hen dvo mai, zhinzhvoi zhimu ma ang zhang lage pik shoq gvat le ga misat dvo be.

  24、 Nambvat 44kat ri 49kat gvut lai lui,nambvat 4gvoq zo ma: Myuqkau jvoigot wui lvom zhinzhvoi mu zui e rungwap bang, mingdan misat zhvum ma chang lui jvoigot wui pik shoq gvat bang zhvang apau ngun qui yu mai,jvoigot wui zhinzhvoi zhang ayang wo pong jo lo shoq gvut ra dut le. Wo quizving e ngun gi myuqkau jvoigot wui lvom zhinzhvoi zhang sai qo eq gvinva bvaq zebyvam qo ma za ge chung le,gowo ka ri age chung ga mi- sat dvo be.

  25、 Nambvat 45kat ri 50kat gvut lai lui,2gvoq zo pyat byvam be.

  26、 Nambvat 46kat ri pyat byvam be.

  27、 Nambvat 4tung ma e 3bun ma lakat gvat lvuq lui,nambvat 51 kat gvut: Myuqkau jvoigot wui lvom zhinzhvoi rungwap angvut zhang gvinva zebyvam rungwap bang, gvinva tep za gvut seng zebyvam ra dut le,zebyvam tang ma e gvinva mingdan misat gve gan ma zhe e mai,kashut lang lo ri gva mizving dvo ra dut le ga misat dvo be.

  28、 Nambvat 4tung ma e 4bun ma lakat gvat lvuq mai,nambvat 52kat gvut: Mingdan mai yomu zui mau ma e jvoigot wui、lvulva ze bve qom seng zebyvam zhang sai dvo qo tuqbang byi lui,yomu zui mau jvoigot wui、lvulva ze qom seng byvam nvang le.

  Zvangkang mo mingbyu asuya mai yomu zui mau jvoigot wui、lvulva ze seng byvam zhang sai mu qom shui gvedvu zui mai, ayang wo chung jo lo ra su shui gvut ra dut le ga misat dvo be.

  29、 Lakat gvat lvuq lui,nambvat 53kat gvut: Howa pun、howa chi bve sai e loqtang dam gan eq chung e loqtang dam gan misat toq ri,wuising mili migum qo ma ang ra dut le ga misat dvo be.

  30、 Nambvat 48kat ri 55 kat gvut lai lui: Ginwang zvang atoq mingbyu asuya yomu singgon rung eq godvu seng-ang e rungwap mai,zuisai yung yu toq lo lui,yomu zui bang ri howa pun、howa chi chung ri zho-ang、luiyo dong chung qo dvun shit byi,yokau myvizve zhep wu lui pun gvat zhimu eq howa ma duqshom shau nam dap dvo e chi pun shui chung lo,wui mili alvoq lvu ra midvu howa yo ma chi pun shau gvat nvang gvut ra dut le ga misat dvo be. (4)

  (Puqsu nvik Pauqi Mudvom Chumlut Muroi)