Wunrot Hpungdun Ai Dumsa Ga

　　Alat Gun Ong (Dumsa gaba Gareng Dingga Gong)

　　Wugang ningdung ga ngat

　　Ntsang wa-yang tu mali hkringdat

　　Wugang ningdung ga rong

　　Ntsang wa-yang tu mali htong

　　Wugang Gin-yong Ja Lat Ningshong

　　Gumgun hkringyu ding yang

　　Magam Gumhpai hkringdat rumta dumpyang

　　Gumgun ahpun sa lung

　　Maggam ajang tingrai dihkro sa dung ngin

　　HJkringwa ga lara

　　Dumsa ga lasha

　　Hkringwa ga hpa nga en non

　　Dumsa ga nhpron gadai hpron na

　　Hkringwa ga hpron nai ya du sana

　　Ya

　　Lon mali lon ala

　　Samzet ma mahkon ni

　　Anum mado ga sharum

　　Ala ninghtan ga jahkrum mun

　　Num mado ga mayon

　　La ninghtan ga shabon

　　Anum tsadun lon

　　Ala tsadat pot

　　Anum tsadun mu

　　Ala tsadat shu wun

　　Numsen zingro mung lon

　　Yu-nga mayon mung pon nin

　　Ganam shinggyim shalu

　　Dinghkun mayu sa shatu na ngu wun

　　Wunrot hpungdun shadap

　　Wunbon gungsi n jahkap yang

　　Ganam shinggyim n lu na myit

　　Dunghkun mayu n du na hkrit

　　Gumgun Magam ni ye e

　　Wunrot hpungdun shadu

　　Wunbon gungsi su

　　Wunrot hpundun shadap

　　Wunbon gungsi jahkap ren

　　Shayi sumpum wunjum manong nam

　　Shadang ningwot laika ga kam mun

　　Gumgun Magam Ndong gumhpai ni ye

　　Wunrot hpungdun ren

　　Wunbon gungsi hpren

　　Lali hkringwa

　　Wunrot hpungdun hpa mazing

　　Wunbon gungsi hpa shading

　　Ningdung adi ninghtong asi

　　Chyinglong tsan yang

　　Ningdung de hkri-on

　　Ningjat de mahkon nai

　　Di tum ing ngai

　　Ningtsang di hpyi ra

　　Di man gaja

　　Lapran di lam ra

　　Ningdung adi

　　Ninghtong asi

　　Shadu shangut

　　Lapran dihpyi hpyem

　　Ningtsang di lam yen

　　Hpoli ningdung hpoda htan

　　Hpohkai matsun hpodung ngan

　　Hpoli ningdung lina

　　Hpohkai matsun

　　Hpongop reng

　　Hpoga hpohkop bun tseng

　　Jen chyumjang wai

　　Wa-nai lahkang kai

　　Gumgun ahpun ne lau sa

　　Magam ajang hkrau tu da sai

　　Wunrot gungsi hpa mazing

　　Ma mu man matsi machyan

　　Rulat ningdung do

　　Dui ding yang japhka dinggrang

　　Gumgun htot lu gashin

　　Magam htot tsang htingkrin

　　Gumgun htot lu dat sha-ing

　　Magam htot tsang dat jahpring

　　Gungsi gungjau n do wom

　　Nsa sinwa dunghpong tsom

　　Wunrot wunbon gungsi tsom

　　Wunbon gungjau

　　Alu sinwa dunghpong tsom

　　Wom sai

　　Reng

　　Wunrot hpungdun lau let

　　Wunbon gungsi lau kyet

　　Wunrot hpungdun ya let

　　Wunbon gungsi ya kyet ya na

　　Wo

　　Gumgun Magam

　　Laijum chyahpung gumgun

　　Rapdo gumhpai ahpa ye ai

　　Gahpu ganau ga sharum

　　Mayu da ma ga jahkrum ya lu

　　Aru hpaisau go majong jon

　　Ninghpun gasa go shingkrau hton

　　Aru hpaisau wai majong jat

　　Ningmun gasa e shingkrau dat

　　Janghtung nge sa shangui

　　Jangta e sa gasui yin

　　Le

　　Janghtung ga sa mayon

　　Jangta aga sa shabon ya

　　Mayu e shangui lu

　　Mali hka dung nge gasui lu

　　Mayu mali ga sharum

　　Janghtung jangta

　　Dimi da ma ga sa jahkrum lom lu

　　Ganam shinggyim me sa shangui lu

　　Manu hkinchyi ye sa gasui lu

　　Ganam shinggyim shalu

　　Dinghkun mayu sa shatu ya lu

　　Wo

　　Mayu mali ni

　　Sharung aja mahtong

　　Shakau hpaga bong jinghkum mun

　　Mahkang sungkung shingnum

　　Dinyeng sumpum jinghkum mun

　　Sharung noidung shakau noihkong jinghkum yang

　　Sharung aja shingnum lom lu

　　Shakau hpaga hteng jinghkum lom lu

　　Mahkang sungkung shingnum lom

　　Dinyeng sumpum jinghkum lom lu

　　Mahkang sungkung shingnum lom lu

　　Ganam shinggyim mai shalu wa

　　Mayu mali ye shangui

　　Janghtung jangta

　　Aru hpaisau hteng nge gasui

　　Shingdu dung ngin matsun

　　Aman dung ngin madun lu

　　Aru hpaisau go majong jon

　　Janghtung jangta

　　Mayu mali go shingkrau hton nin nai

　　Sharung aja wa sa

　　Shakau hpaga wa ya yang nge

　　Sharung aja mung hkap sharing

　　Shakau hpaga mung hkap shachying ya lu

　　Ganam shinggyim manu hkinchyi

　　Gagu lung ninghkrun wa lung na ra ai

　　Gamoi dung ngai tingnyeng wa dung na ra ai

　　Akun maka kap

　　Dinghku maka htap

　　Gamoi la-yong mu

　　Gagu akun shingra maka su

　　Ganam shinggyim mung

　　Shabrang kunglung hte e

　　Mayat maya lahkum rau wa ring

　　Gumja gumhpra tingnyeng rau wa chying na ra ai

　　Ganam shinggyim manu hkinchyi

　　Shing yang mayat lu

　　Mayat shing yang su

　　Shakon na-li lu na ra ai

　　Shabrang kunglung hte

　　Hkanum machyi ji yin wa nga na ra ai

　　Ningsan htutsong hkri yin wa pra

　　Hkanum mada htep

　　Taumung rau dung gayep bun wa pra na ra ai

　　Ganam shinggyim

　　Shabrang kunglung yan ne e

　　Latsa lamun ning

　　Akun maka kap

　　Dinghku maka htap

　　Mado wunmong lang

　　Ninghtan magam dang ngin wa nga

　　Akun maka grung

　　Shingra maka chyung ngin wa pra na mara ai

　　Shadang ninggang aye na ra ai

　　Shayi shingwoi ahpye na ra ai

　　Shayi shingwoi sumro

　　Shadang ninggang sumbo na ra ai

　　Lat ningshong shangai

　　Lapran kyingnang ayut ninggum dinghkai yin pra na ra ai

　　Mayu mali

　　Dimi da-ma ga

　　Shabrang kunglung hte

　　Mayat maya lahkum wa lung

　　Gumja gumhpra tingnyeng wa dung yang

　　Mayat maya ningsu na hkap ran shangui ya

　　Gumja gumhpra ni8ngnon na gasui ya lu

　　Aru hpaisau ga ningsu

　　Ningmun gasa ga ningnon hteng yan gumnom ya lu

　　Janghtung jangta ga ningsu

　　Mayu mali dimi da ma ga

　　Ningsu ningnon na hteng

　　Yu shangui yan

　　Gasui yin hpyan ya lu

　　Sharung aja ningsu

　　Shakau hpaga ningnon na

　　Shangui yan gasui hpyan ya

　　Reng

　　Wunrot hpungdun yu wom shjalat tup

　　Wunbon gungsi tsom tsan shapat grup rai sai

　　Laijum chyahpung gumgun

　　Laika lupdo gumhpai ahpa ya

　　Wunrot hpungdun let

　　Wunbon gungsi kyet yang

　　Wunrot hpungdun pyi lun

　　Wunbon gungsi apa gun na kun

　　Hkrignwa

　　Wunrot hpungdun

　　Pyi lun go moi na chyu madat n nga

　　Wunbon gungsi pa gun marang

　　Madat ninghpang n da ai

　　Wunrot hpungdun pyi pa go

　　Aru hpaisau ga shu na hte

　　Janghtung jangta ga shu na

　　Mayu mali ga rum

　　Dimi da ma janghtung jangta

　　Aru hpaisau ga mayon hkrum na hte

　　Pyi run apa gun

　　Lu hkritung mu

　　Sha hkriwang ginshang shu

　　Ganam shinggyim lu na re

　　Dinghkun mayu su na re

　　Laijum chyahpung gumgun

　　Laika lupdo gumhpai ahpa

　　Alu dung yong lun

　　Hpodung non

　　Hpohpang kron

　　Hpodung guwai lun

　　Hpohpang makai gun

　　Gumgun lata ra labang gra

　　Alu lun nsa gun

　　Wunbon gungsi

　　Gumgun htot lu reng

　　Magam htot tsang hti yin lu

　　Ndo dung yong hti lu

　　Nsa sinwa dunghpong hti chyu

　　Ndo dung yong lun

　　Nsa sinwa dunghpong gun nin

　　Gumgn hkringyu de tu

　　Gumhpai hkringdat de hkru

　　Gumgun ahpun shagyem shalat rot

　　Magam ajang shanyem shapat htot

　　Gumgun hkring yu wa yup

　　Gumhpai hkringdat wa grup bun

　　Hpot ni hpot na ninghtoi yai

　　Dinghkun mayu ni du wa

　　Janghtung jangta aru hpaisau ni

　　Sharung aja lun nin nai

　　Shakau hpaga gun nin

　　Ganam shinggyim shalu wa yang

　　Gun n nu hpai n tsu

　　Gumgun hkringyu wun samye htemye wa lan

　　Ganam shinggyim mayat maya hkap sharing

　　Manu hkinchyi ye

　　Gumja gumhpya tingnyeng hkap shachying ya lu

　　Ganam shinggyim manu hkinchyi

　　Gagu lung ninghkrun wa lung na ra ai

　　Gamoi dung ngai tingnyeng wa dung na ra ai

　　Akun maka kap

　　Dinghku maka htap

　　Gamoi la-yong mu

　　Gagu akun shingra maka su

　　Ganam shinggyim mung

　　Shabrang kunglung hte e

　　Mayat maya lahkum rau wa ring

　　Gumja gumhpra tingnyeng rau wa chying na ra ai

　　Ganam shinggyim manu hkinchyi

　　Shing yang mayat lu

　　Mayat shing yang su

　　Shakon na-li lu na ra ai

　　Shabrang kunglung hte

　　Hkanum machyi ji yin wa nga na ra ai

　　Ningsan htutsong hkri yin wa pra

　　Hkanum mada htep

　　Taumung rau dung gayep bun wa pra na ra ai

　　Ganam shinggyim

　　Shabrang kunglung yan ne e

　　Latsa lamun ning

　　Akun maka kap

　　Dinghku maka htap

　　Mado wunmong lang

　　Ninghtan magam dang ngin wa nga

　　Akun maka grung

　　Shingra maka chyung ngin wa pra na mara ai

　　Shadang ninggang aye na ra ai

　　Shayi shingwoi ahpye na ra ai

　　Shayi shingwoi sumro

　　Shadang ninggang sumbo na ra ai

　　Lat ningshong shangai

　　Lapran kyingnang ayut ninggum dinghkai yin pra na ra ai

　　Mayu mali

　　Dimi da-ma ga

　　Shabrang kunglung hte

　　Mayat maya lahkum wa lung

　　Gumja gumhpra tingnyeng wa dung yang

　　Mayat maya ningsu na hkap ran shangui ya lu

　　Gumja gumhpra ningnon na gasui ya lu

　　Aru hpaisau ga ningsu

　　Ningmun gasa ga ningnon hteng yan gumnom ya lu

　　Janghtung jangta ga ningsu

　　Mayu mali dimi da ma ga

　　Ningsu ningnon na hteng

　　Yu shangui yan

　　Gasui yin hpyan ya lu

　　Sharung aja ningsu

　　Shakau hpaga ningnon na

　　Shangui yan gasui hpyan ya

　　(Bai matut hti ga)

　　Reng

　　Wunrot hpungdun yu wom shalat tup

　　Wunbon gungsi tsom tsan shapat grup rai sai

　　Laijum chyahpung gumgun

　　Laika lupdo gumhpai ahpa ya

　　Wunrot hpungdun let

　　Wunbon gungsi kyet yang

　　Wunrot hpungdun pyi lun

　　Wunbon gungsi apa gun na kun

　　Hkringwa

　　Wunrot hpungdun

　　Pyi lun go moi na chyu madat n nga

　　Wunbon gungsi pa gun marang

　　Madat ninghpang n da ai

　　Wunrot hpungdun pyi pa go

　　Aru hpaisau ga shu na hte

　　Janghtung jangta ga shu na

　　Mayu mali ga rum

　　Dimi da ma

　　Janghtung Jangta

　　Aru hpaisau ga mayon hkrum na hte

　　Pyi run apa gun

　　Lu hkritung mu

　　Sha hkriwang ginshang shu

　　Ganam shinggyim lu na re

　　Dinghkun mayu su na re

　　Laijum chyahpung gumgun

　　Laika lupdo gumhpai ahpa

　　Alu dung yong lun

　　Hpodung non

　　Hpohpang kron

　　Hpodung guwai lun

　　Hpohpang makai gun

　　Gumgun lata ra labang gra

　　Alu lun nsa gun

　　Wunbon gungsi

　　Gumgun htot lu reng

　　Magam htot tsang hti yin lu

　　Ndo dung yong hti lu

　　Nsa sinwa dunghpong hti chyu

　　Ndo dung yong lun

　　Nsa sinwa dunghpong gun nin

　　Gumgun hkringyu de tu

　　Gumhpai hkringdat de hkru

　　Gumgun ahpun shagyem shalat rot

　　Magam ajang shanyem shapat htot

　　Gumgun hkring yu wa yup

　　Gumhpai hkringdat wa grup bun

　　Hpot ni hpot na ninghtoi yai

　　Dinghkun mayu ni du wa

　　Janghtung Jangta aru hpaisau ni

　　Sharung aja lun nin nai

　　Shakau hpaga gun nin

　　Ganam shinggyim shalu wa yang

　　Gun n nu hpai n tsu

　　Gumgun hkringyu wun samye htemye

　　wa lan

　　Ganam shinggyim mayat maya hkap sharing

　　Manu hkinchyi ye

　　Gumja gumhpya tingnyeng hkap shachying ya lu

　　Sharung aja hkap sharing ya lom lu

　　Shakau hpaga hkap shachying lom lu

　　Pahkap gumgun

　　Mayu mali

　　Dimi da ma

　　Mali hkraigung ngang

　　Ningmai hkraigung(shum) kang

　　Ginhto gin-ya

　　Ginchya ginwa rai na wa lan lu

　　Mayu mali

　　Dimi da ma

　　Aru hpaisau

　　Janghtung jangta ga mayon hkrum na

　　Gun n nu wa lan

　　Hpai n tsu wa hpan

　　Gun nai hpa htau ting

　　Hpai yai hpa rit kring

　　Samye lan htemye hpan sit e...

　　Gumgun hkring yu asin nga

　　Gumhpai hkringdat

　　Hte-myi htamhtau

　　Alang she wa rungga sit e...