Jinghpo hpaji景颇文化

Pyo La Ai Mangai Ta

秋天美

时间:2020-11-13 10:14:54 来源:德宏团结报

  Pyo La Ai Mangai Ta

  Maji Ma Ra

Nmut mangi shu la ga

  U gon machya lung nna

  Hto Sinpro de mada

  Ninghkong jan pru wa

  Le pa layang de mada yu

  Mangai mam nan htoi ting-ru

  Gatsi pyo la ai mangai bungli ahpot

  Nu ma a shawang amyit nachying rot

  Tingsa ajan shingkang mai shingte

  Nlung mam ko na numri si lui gahte

  Dungngut hkrudu gashoi

  Donggong lahpo hte gap shagroi

  Ubyik U tsa pyen gamong

  Htemlem wa-hpu hte shadang

  Nsi naisi myin ai ang she ang

  Pyo dik la ai mangai ten ding yang

  Chyinghkai wa li ni

  Shawang amyit ningtsing gade she rot lali

  Brang htang pra yu na gade sharong

  Mangai yi machya sha sa dung

  Je ngon mangai dumba sha sa sharung

  Shayi hkon ni manyi sumsai sha hkon

  Shadang brang ni bum tot hturen sha dum shagon

  Goi pyo dik la ai mangai ta

  Bum pa layang mangai ngai sai sa pru yu ga