Hpungtang hpaji ginra景颇科普

Nrut nra ginro ai go ana myu mi re kun?

骨质疏松是病吗?

时间:2020-11-13 10:05:20 来源:德宏团结报

  Nrut nra ginro ana go, hkum- hkrang ting hpe wa-hkye hkra ai ana myu mi re

  Nra ginro mat wa ai go nra hkamja ai ko nna nra gaji yom mat nna, nra gata na n-gun ni chye yom mat wa, nra do hten mat nna manghkang ni lo jat wa ai hpe tsun ai rai nga ai.

  Nrut nra ginro wa jang go, nra maram jak hte jep yu ra ai

  Ya yang anhte jep maram yu ai ladat go, X sen-gu-midu (线骨密度) jak hte shong jep yu ra ai, mayu e T ji -2.5 ndu ai ni go nra ginro ai hpe tsun ai re, T ji -2.5 hte -1 re go nra a atsam yom mat wa ai hpe tsun ai rai nga ai.

  Nra ginro ai manghkang go, mayu e nra chye do hten wa nhtom, machyi laja sai ni go no si mat wa chye nga ai.

  Nra ginro ana go mayu e lo mu dik ai ana myu mi re, raitim ana ndai go nu num ni ko lo byin nhtom wa la ni ko nau n nchye byin nga ai.

  Anhte mungdan na machyi loi ana hpaji hta mu lu yang, nra ginro machyi laja ai masha go gadi 2 du mat nga ai.

  2013 ning mungkan nra ginro hpung (IOF) ni shabra ai hta mu lu yang, mungkan hta sekgan 3 hta nra ginro masha 1 mi machyi byin nga ai! Sak 50 ning hpang go nra ginro ana galang mi chye ginro wa nga ai. Nu num ni ko go 1/3 mi ko machyi wa, wa la ni ko go 1/5 mi ko machyi wa chye ai.

  Hpa majo nu num ni, wa la ni hta grau nna nra ginro wa nga ai kun?

  2018 ning, Mungdan sanseng hkamja hpaji dap ni shawa shabra ai, anhte mungdan nrut nra ginro ana jep ai hta mu lu yang:Sak 50 ning lahta na nra ginro wa ai masha go 19.2% du nga ai, dai hta nunum ni machyi masa go 32.1% rai nga ai, rau sha- ning na wa la ni hte 6% tso jat nga ai, bai nna 65 ning lahta na gumgai ni go 51.6% tso jat nga ai.

  Loi ai hku tsun ga nga yang, sak 50 ning lahta de na nu num marai 3 ko marai mi go nra ginro machyi nga ai, 65 ning lahta de na gumgai ni ko go marai 2 ko rai yang marai mi nra ginro ana byin nga ai.

  Hpa majo nu num ni go wala ni hta grau nna nra ginro ana byin loi ai kun?

  Nu num ni a hkrang masa ko hkan nna byin tai ai re, nu num ni a nra go wa-la ni hta loi gaji nga ai.

  Bai nna, nunum nkau ni go numhking hkring mat ai hpang, zhijisu(雌激素)nyem mat wa nna nra na sainu (细胞) ni hpe wa jahten hkra nna wa la ni hta grau ginro loi nga ai.

  Nra ginro wa ai go shi hkrai byin wa ai re i?

  Nra ginro ana go gaungui na machyi wa ai bo ana re majo, ningnan nsha machyi wa yang go hpa kumla n mu nga ai.

  Mayu e lo byin ai nra ginro masha myu lahkong re: Langai go gumgai dingla ni, hpa majo nga yang shanhte go hkum n-gun yom mat wa sai majo byin loi nga ai, lahkong go numhking hkring mat sai nu num ni ko byin loi nga ai. Sak 30 ning re ram ma ni ko go nra ginro ana machyi ai nau n mu nga ai.

  Nra ginro ana lo malo go lawu de na kumla ni hte seng nga ai.

  Bo machyi

  Masha lo malo go nshang machyi re masa ni byin wa jang, nra prut pru, puba na machyi ai shadu ma ai.

  Hkumhkrang gyip gadun wa, nshang mago wa ai ni

  Ndai zon re kumla ni byin wa jang go nra ginro wa na grai sadi maja ra sai.

  Akya sha hkra yang nra do wa ai ni

  Ndai go nra ginro laja wa ai kumla myu mi re.

  Zhuisin guje(脆性骨折)go gaji gajo sha ahtu gato hkra yang nra gato do kau ai hpe tsun ai rai nga ai.

  Nra ginro yang gai (钙) sha yang lu sharai la na kun?

  Gai sha sha yang go nlu shamai la nga ai.

  Gai go nra hte ndi nhka ai myu mi re, raitim gai sha na sharai la na go yak mat sai ai, dai majo wuisinsu D lo sha ra ai.

  Wuisinsu D madung go lusha hte jan lam ai ko na marop la ai re.

  Lu sha madung go panglai na Nga ja- hkrai hte dusat kro kan ko lohtam ai wuisinsu D rong nga ai.

  Jan lam ai ladat go lani mi manit 15-30 daram lam la yang gaja nga ai.

  Lama na tsirung de sa jep yu na teng sha nra ginro ana rai jang go, tsirung de laksan tsi mawan ni hte sa tsi makop ra sai.

  Nra ginro ana hpe gara hku htang maja na kun?

  Nra ginro ana go gaji ai ko nna htang maja ra ai, num ni grau nna sadi ra ai.

  Gai rong ai lusha grung grung sha.

  Ga shadon Ngachyu hpan, lasi jahkrai hpan, gyenko si, namlap simai. Rai yang Ngachyu ko go gai grau hkumtsup nga ai.

  Jan lo lam ra ai

  Jan lo lam yang go shanhpyi gata de wuisinsu D lu shang wa nna, gai hpe lo lo lu marop la nga ai.

  Hkumhkrang dingyang shalik sha- kyang na

  Ga shadon gaungui gagat, lawan ai hku hkom, bolung htong re shalik shakyang lam lo lo shaman ra ai.

  Dingman ai lusha laikyang shaman ra ai

  Ga hpri, tsa hte malut ni nlu na.

  Hkum nau nmai lasi ai

  Tsun ga nga yang hkum lasi ai ni go, nra ginro wa na madang tso nna, nra mung do hten lawan nga ai.

  Dai majo lasi tsom na hpe sha nga nna, nrut nra a hkamja lam hpe hkum malap kau.

  Jahtum e yong hpe ndau tsun mayu ai go, nrut nra ginro ai go ana myu mi re, gumgai dingla ana sha mung nre, raitim gaji ai ko nna sadi maja yang go lu htang maja ai, dai majo nga pra lam hta hkamja lam hpe lit la nna ana nra ginro na hpe koi yan kau ga. (Gale lajang ai Nhkum Ma Chin)