Guqtung oyang

舂米谣

时间:2020-04-08 09:24:03

  (Hida le atang ximai wucoq aq)

  Yoisa yoisa yoilvu yoi…yoi…

  Ngamyvi zhigau so nving yoi…yoi…

  Ngapo Zaupai so ngvu tung ma dvo le

  Ngamyvi Zhanvam so ngvu tung ma dvo le yoi...yoi

  Byigau so e myihui myibun myibun gvun ra yoi...yoi

  Yoisa yoisa yoi..yoi

  Ngabyi munu tung e guq e yoi…yoi…

  Shi myvo daja moq o zo le

  Myindum byinpye zo hui aq o

  Napdum gohut zo hui aq o yoi…yoi…

  Invung Lungsang bum kau ma zung dvo

  moq e yoi…yoi…

  Rapoq zangzo shang o yoisa yoi…yoi…

  Rakat lvumnang lui eq

  Myindum byinpye hui shang

  Shi myvo moq e dvaja moq e yoi…yoi…

  Rayvum zo wui e yoisa yoi…yoi…

  Ngapo ulung zaugau zo le

  Ngamyvi Nangtung wui zo le lvang

  Wum zo bo aq

  O zo doq aq yoisa yoilvu yoi…yoi…

  Shi myvo yuqzhvit lamung zo zang le le

  Guqyuq naunvung zo zang le le

  Shi myvo daja moq zo le le

  Wum zo bo ra

  O zo doq aq

  Shi myvo moq e yoi…yoi…

  Yoisa yoisa yoilvu yoi…yoi…

  Shi myvo moq e dvaja moq e

  Ngashu ngasha zo zang le le

  Dvaja wum zo bo gveq

  O zo doq gveq

  Magui wum zo bo aq

  Manang o zo wo aq

  Yoisa yoilvu yoi e yoi…yoi…

  Ngabyi munu tung e guq e yoi…yoi…

  O le momvoq zo le yoi…yoi…

  Layau momvoq te jo gveq le yoisa yoi…yoi…

  Zomvoq temu te jo gveq le yoisa yoi…yoi…

  Myausui luqmu luqte zo jo gveq le

  yoilvu yoi…yoi…

  Ngabyi munu tung e guq e yoi…yoi…

  Abyi munu zhvoq e napzang lawang au e yoi…yoi…

  Ozo ri lvang ulung yui lvang ka zo bo gvo yoi sa yoi…

  Yangding no lvang ka zo bo gvo le e

  yoi…yoi…

  Myilik hing ho hing wo ra e

  Mangmyen ngun ho ngun wo ra e

  Shozo zang gveq le ye yoisa yoi…yoi…

  O le so myvang qi-u atung ra e wum zo

  bo gveq

  Byap myvang u lvang awe ra e o zo bo gveq

  Layau ka mau lo le lvang o yoi…yoi…

  So lo qo wo qang wun ra e

  Wum zo bo gveq yoi…yoi…

  Gu lo zam wo kap wun ra e

  Wum zo bo gveq yoi…yoi…

  Goqjva sai lo modo zhi le lvang gi

  Hai e ulung yui lvang ka zang bo wun gvo dve

  Nga e zoyuq naunu wui e

  So lo qo wo qang wun gveq le yoilvuq

  yoi…yoi…

  Shi myvo moq e dvaja moq e

  Ngabyi Zhangnvam tung e guq e yoisa

  yoi…yoi…

  Ngamyvi Zhangnvam zhvoq e zapzang lawang au e yoi…yoi…

  Byizo zo le lvang gi byicam zo zang aq o

  yoi…yoi…

  Yuqzo zo le lvang o yuq-o zo doq aq o yoisa yoi…yoi…

  Ngashu ngasha zo zang le lvang yoi…yoi…

  Paqzhvi laigva zo se aq o yoi…yoi…

  Mausau liklong laigva zo se aq o yoi…yoi…

  Ngamyvi zhvoq lo zang e yoi…yoi…

  Yuqzo lanu wui e

  Byizo munu wui e yoisa yoi…yoi…

  Layau nyi gau kang le

  Milik hing ho hing zo wo gveq yoisa

  yoi…yoi…

  Ulung yui lvang ka zo bo gvo yoi…

  Yangding no lvang ka zo bo gvo yoisa

  yoi…yoi…

  Ngamyvi Zhangnvam le e yoi…yoi…

  Nga e zoyuq naunung wui le

  Ngashu ngasha wui le

  Dvon e byubau yau ba le e yoi…yoi…

  Shi myvo layau mingkang mo ma e

  Zoyuq naunung wui e yoi…yoi…

  Ngamyvi dvai lo kun gi

  Rakun dvai le razhon zuq aq le e yoi…yoi…

  Ngamyvi nving o zokui gvanglvang amu

  Yoisa yoi…yoi…

  O le lvang o myindum byin zo bo be

  yoi…yoi…

  Napdum go zo hut gveq yoi…yoi…

  O le dvaja bang e yoisa yoi…yoi…

  Rapoq zangzo bo shang

  Ragom wuishuq bo ri

  Rakat qo chom so shang le e yoi…yoi…

  Rakat lvumso nang shang le e yoi…yoi…

  Ngamyvi zhigau tung dvo gvat ba yoisa

  yoi…yoi…

  Woqgau ngvat dvo gvat ba le e yoi…yoi…

  Yoisa yoisa yoilvu yoi…yoi…

  Ngame zhigau so nving yoi…yoi…

  Ngapo Zaupai so umtung ma dvo le

  Ngamyvi Zhangnvam so umtung ma dvo le yoi…yoi…

  Zhigau so e myinhui myitbun myitbvun gvun ra yoi…yoi…

  Yoisa yoisa yoilvu yoi…yoi… (Banbe)