Guqtung oyang

舂米吟

时间:2020-04-02 15:19:02

   —— Zhinpau Mulum

   Yoisa yoisa yoilvu yoi…yoi…

  Aman ramyin sun le yoi…yoi…

  Myiwang zun lo guq e yoi…yoi…

  Tanzo lvo mai zun e guq e yoi… yoi…

  Kunap sungung po le jo ri

  Wawoq po le jo ri

  Mau su zoze lo be yoi..yoi…

  Ngabyi munu tung lo guq e yoi… yoi…

  Sungung wawoq po dvun lui eq

  Lalam mau lvang rau bo be mvai yoisa yoi… yoi…

  Ngabyi munu putdvoq zangyang lui eq yoisa yoi…yoi…

  Cummo lawun wang yap e ba koi o yoi…yoi…

  Myamzui guq e yoisa yoi…yoi…

  Guqzo lan mai wup e

  Lawun wang yap e ba koi o yoi… yoi…

  Yoisa yoisa yoilvu yoi…yoi…

  Zumtang wang jo e ri

  Labam wang jo e ri

  Cummo lawun wang yap be o yoi yoi…yoi…

  Zhizo lvo e jizo lvo e

  Ngabyi munu loqyung lvum mai zui ri tung ba yoisa yoi…yoi…

  Ngabyi munu tung e guq oi yoi… yoi…

  Radam tung zhang muq lui aq o

  Ngabyi munu tung e guq oi

  Radam byang zhang zan lui aq o yoi…yoi…

  Ngabyi munu tung e guq oi

  Racham zhvoq le zapzang lawangau dvoq aq o yoisa yoi… yoi…

  Paumang zo le pyimyin zo le lvang o wum zo bo aq

  O zo doq aq yoisa yoisa yoi… yoi…

  Ngabyi zhvoq lo zang e yoisa yoi…yoi…

  Ngamyvi zomyvu wui zo le lvang

  Ngapo zomyvu wui zo le lvang

  Magui wum zo bo aq

  Manang o zo bo aq

  Yoisa yoisa isi yoi…yoi…

 

  Ngabyi munu zhvoq e zang oi yoi…yoi…

  Shi myvo daja moq o zo le

  Yuqzhvit lamung zo le lvang o

  Zoyuq naunu wui zo le le

  Wum zo bo ri o zo doq aq yoi… yoi…

  Shi myvo daja rayvum moq zo le lvang

  Wum zo bo aq o zo doq ri

  Myindum byinpye zo hui aq o

  Yoilvu yoi…yoi…

  Napdum gohut zo hui lui eq

  Daja moq o rayvum zo wui

  Radung byinmu so le lvang o wum zo bo aq

  Yoisa yoilvu yoilvu yoi…yoi…

  Yoisa yoisi yoisa yoi…yoi…

  Ngabyi Zhangnvam zhvoq e nap zang lawang au oi yoi…yoi…

  Byizo zo ri lvang gi byicam zozan aq o yoi…yoi

  Yuqzo zo ri lvang o yuq-u zo doq aq o yoi sai…yoi

  Ngashu ngasha zo zang ri lvang paqzhvi laigva zo se aq o yoi…yoi

  Ngamyvi zhvoq lo zang e yoi…yoi

  Yuqzo lanu wui e byvizo munu wui oi yoisai …yoi

  Layau nyigau kang le myilik hing ho hing zo wo gveq yoi sai … yoi

  Ulung yui lvang ki zo bo gvo yoi …yoi

  Yangding no lvang ko zo bo gvo yoi…yoi

  Moqtoq zhi wun ri le modo zhi wun ri le shun shun tangtang wo zhi wun gveq yoisa…yoi

  Nga e zoyung naunvung wui le

  Ngashu ngasha wui le

  Dvou e byibau yau ba dve e yoi…yoi

  Shimyvo layau mingkang mo ma zoyuq nau nvung wui e yoi… yoi

  Ngamyvi dai lo kun go rakun dai le razhon zuq aq dveq yoi…yoi

  Ngamyvi nving o yoisa yoi

  Zo wui dvang lvang amu o le lvang o myin dum byin zo bo be yoi ...yoi

  Napdum wo zo hut gveq yoi ...yoi

  O le daja bang e yoisa yoi

  Lapo zangzo bo shang lagom wui shuq bo ro

  Rakat qoso so shang yoi...yoi

  Rakat lungso nang shang e yoi...yoi

  Ngamyvi zhigau tung zo gvat ba yoisa...yoi

  Wo gau gvat dvo gvat ba yoi...yoi

  (Aban shi, tangda wucoq aq)