Napma nyi, yvum ma bing le le

明天,有客人要来

时间:2020-03-27 09:19:29

  Hoq Sishui

  Napma nyi, yvum ma bing le le

  Hau mizho, ngo yvum seng byvam le

  Yvumwui yvumyam

  Sangsan zhvoizhvoi za gvut

  Bingdoq wap ma banbo zvung

  Laigva wu wap ma lagvo sai mvon

  Zhe aqak gi, myimut gang wap ma myiqom

  Amyvu isam lvoqtoq ra dut le

  Zang gi yvum ma akai lo

  Shingan ma e zo ra be

  Yvummau ma zoshuq e zo lui

  Yvummau ma mikon kon gvun

  Haumu shidaq gvungdvon lvum gvun

  Lam gvun ra zhowo ri ho ge dvo be

  Zhviwvoi nyi lo e Sanwu bum shut ngvu

  Banban songe gvutge dvo be

  Napma nyi bing zhe le lo ra za lang nyi alo

  Pyizum ri ngo kisu nyi ngon e gvut shit e angvut

  Lada da gi, byu e myoqdong ri

   Wo gvut myvo gvut ge ra dut le