Jvoqo lalvai

景颇族“勒唻”———吟春

时间:2020-03-13 09:22:32

      Chumlut Laqdvoi

  Yvangngoi yvangngoi yvangngoi yvang~~ngoi

  Yvangngoi kuyoq jo re wa dvi oi

  Kubun wa ri wa dvi oi

  Cunggong lut lui o

  Zanpyang hi hu lo be o

  Cungpyang nung hu yoq du dvo be o

  Yvangngoi yvangngoi yvangngoi yvang~~ngoi

  Zhimu zhvungmyo yoq du dvo ra o

  Woqmu ngvatmyo yoq du dvo ra o

  Zhi ma nving o jvoq bo de ma o

  Wa ma nving o myoq bo dvo be ga

  Kuyoq jo re gvolvang oi e

  Mangkang jvowaq mying lo yoq du dvo be o

  Yvangngoi yvangngoi yvangngoi yvang~~ngoi

  Gvukdui zo lvang dvi zhiwaq zo lvang o

  Mying lo bilang qang lo yoq du dvo be o

  Bvukdun gorong zo lvang mying lo yoq du dvo lui o

  Ulung bum ma jo ri lvang o

  Laguq uqzhup lo yoq dut be o

  Labyvi bvadam lam ma jo re lvang

  Layang yo zhup lobe o

  Dung ma uq-mying lo be o

  Lang ma bvoham lo be o

  Nezo labam bo re wu ri lvang

  Bolui shi zui bvau ging dvo be o

  Pyuzo banne bo zo ri wu re lvang o

  Myikshui tan mu dvo be o

  

   Yvangngoi yvangngoi yvangngoi yvang~~ngoi

  Lashap zo re wu ri lvang

  Banmyo zo re wu ri lvang

  Wang wu myitchin ging dvo be ngvut ro

  Pyo wu nyuqnyun zhvoi be ngvut ra o

  Lat wu gvoqcan yung zhvoi dvo be o

  Shilvang zo re wu ri lvang o

  Dvangge zo re wu ri lvang

  Shizui bvauging dvo be o

  Yvangngoi yvangngoi yvangngoi yvang~~ngoi

  Ulung bum ma nving o

  Maumvan mvan lo yoq be o

  Labyvi myi ma myiman mvan lo yoq be o

  Kuyoq jo re wa dvi oi

  Aban mu myo yoq du dvo be o

  Wambying zoho yoq be o

  Gunggum caukan yoq be o

  Aho zo re wam eq shit e yoq be o

  Amu wut re gung eq shit e yoq be o

  Yvangngoi yvangngoi yvangngoi yvang~~ngoi

  Wambying zo re ra me shang ngvu lui

  Gunggum cau re ra me shang koi ngvu lui o

  Pundu yoq be o lvauyang yoq be o

  Myoqcau yoq be nung byit yoq be o

  Mauyung cham zo jo lo be ngvut ro

  Myige zvenoq qi lvang pop lo be ngvut ro

  Myige qi ma nving o jvoqo yoq be o

  Zhvinchui byap ma nyi nvam yoq be o

  Yvangngoi yvangngoi yvangngoi yvang~~ngoi

  Zhise gum ngo angvut ro

  Paumang gum ngo angvut

  Kese gum ngo angvut

  Pyimang gum ngo angvut

  Zoshang nving ngo gi

  Kunbvan le su ngvut ra

  Mying mu le su ngvut ra

  Dvun nau wo hi ngo ngvut ra