Luxi ma e dvamyva bo yang zhi

芒市地区景颇族闹新房调(连载)

时间:2019-09-27 10:03:28

  Luxi ma e dvamyva bo yang zhi

  Chumlut Dvon

  (Hida le atang ximai wucoq aq)

  Byudik zhvung ding lui

  Wadik zhvo ding lui

  Zhvung chang zhvung ding zhvoi lui

  Ce chang ce ding zhvoi lui

  Paqzhvi le kum be o

  Paqrat le num be o

  Madoq le rot be o

  Ningtan le kap be o

  Wunli marang mai

  Wundven shinggvang mai

  Cungkang lame mo ma

  Zankang lame mo ma

  Laili mayat zhvoi ra o

  Laigva shibyvat yung ra o

  Gang-an dumsa gi o

  Shingra kingwa gi o

  Mudum Dvuwang paushuq mai

  Qetwa Laqsang byizam mai

  Mopo dangtang guq ashai o

  Momyvi gapzhvum pyi angvoq o

  Zhvung nyi ce mai

  Do nyi ngvat mai

  Wa yung maulu qap ma

  Dum yung ngoqkun lvum ma

  Mangan ngaq ra zhvung dum dving

  Wundven zhaq ra zhvung dum dving

  Wa-um lungkum bum zhvoi lo

  Watang solo lungwam goq zhvoi lo

  Paumang mangan wo ngaq lo

  Pyimang wundve wo zhaq lo

  Dumsa mangan wo ngaq lo

  Kingwa wundve wo zhaq lo

  Madoq wang ma nving

  Ningtan wang ma nving

  Gungshuq wang ma cungkong ma

  Zantum toq e zantum ma

  Cung e cungkong lamun mai

  Zan e zantum lazva mai

  Tuq zing womo gvoq ging lui

  Abyit wumchum kat dvui lui

  Zhvung nyi ce ding be o

  Do nyi ngvat ding be o

  Kungga shang koi o

  Jvingbvoi shang koi o

  Yvumgung dum dving zhang o

  Wapdang dum dving zhang o

  Sungung yvupyuq yo ra o

  Nyigung zhoqlung ngon ra o

  Majau jangjang o

  Marai raqraq o

  Wupzhup wup kum lo

  Byo zhup byo num lo

  Sungung yvummoq moq zhvoi lo

  Nyiqui zhoqwa kang yung lo

  Sikyuq gvoqzo can e me ra moq

  Gauzvang nvongzo dving e me ra moq

  Wayuq bangche zhvoi e moq

  Pungchui wangban zhvoi e moq

  Budang wunli rotrot

  Busang wundven kapkap

  Cungkang lame mo

  Zankang lame mo

  Mau-au yin ding nyi ra o

  Myi-au zam ging nyi ra o

  Cungwut cung ding angvoq o

  Zanwut zan ding ashut o

  Dvamyva wunli wo be o

  Bo yang ngelang lvo be o

  (Banbe)