Byu eq dammyaq myvi e midat mvomyi

与强盗的约定

时间:2019-09-20 09:29:44

  Hipyang, dammyaq myvi eq byu sheq xisu ngvu dailvum dvo gvo e ga:Dammyaq myvi luqgok bum ri lvingquq wo jvamlvung dvo zhang, byu gi dammyaq myvi e dang jo ra dut le ga, awo jvamlvung zhang gi dammyaq myvi lo byuq yvam ra dut le ga.

  Haumai mauchut eq dammyaq myvi gi yvangnvik dai lvum dvo gvo e muzo zui e lo be ga, hauzhang byu gi dammyaq myi bum ri rau wo ban jvam lvung be myang mu, yvang gi yvumshut lawan lo lui byo lo yu mu cum ma lo ngvop dvo mu lo bat myving na shi be ga, byo bat myving te hau woqdvun te su mying lui, woqpo bve gi maubo lo nyo be ngvu mu lui bi chang dvun bigvo ga, hauzhang dammyaq myvi gi woqdvun te wo jo mu maubo lo be ngvut ra ngvu lui, luqgok bum ri aban jvamlvung e pang lo byuq byvam be ga.

  Haumu, akui zhe shoq woqpo gi maubo lo zhang dvun le, apyi apau bve dai jo lo gvo e maubo woqdvun kun u ma gi nat bve jo dan mu pang byvam agvo ga e mvomyi gi ximai lo e ngvut le ga. (Lapai Muse)