Luxi ma e dvamyva bo yang zhi

芒市地区景颇族闹新房调(连载)

时间:2019-09-20 09:28:13

  (Hida le atang ximai wucoq aq)

  Ungbui bo lu mu mai

  Ungloq shizui zhvung ging lui

  Byu nyi wa luq e

  Tum nyi ngo bying e

  Kudui zhvoi e gan

  Du-qa zhvoi e yung

  Wapji dum dving zhang

  Wapdang dum dving zhang

  Lawut byam le lvang

  Lapoq kam le lvang

  Lawut lo byam zhvoi

  Shokam poqtung lo yung gvat

  Ungbui wut byam zhang nving gi

  Unglvo gan yu zhang nving gi

  Lanoq poqyung qap mai

  Lanoq poqlvo gap mai

  Shotau yang ngvu mu

  Shokam poq ngvu mu

  Loqyo zo hi zvo gvat lui

  Loqyo zang hi hum gvat lui

  Myi chang lang gi o

  Au chang jvo gi o

  Labvuq cau bvong yung ra o

  Laleq hum gan zhvoi ra o

  Zangbung lanyang zhup mai

  Woqnoq uye cham mai

  Zo ungwaq yo lvum lui

  Shuq qunglum chui lvum lui

  Byubik zhvung zo wui ra o

  Wabik zhvo shuq wui ra o

  Mayat zhvung zo wui ra o

  Maya gan shuq wui ra o

  Igu wamo gvoq tuq ging ra o

  Imvoi abyti wumchum kat dvui ging ra o

  Rvat eq tam le wui ra o

  Pu eq nvau le wui ra o

  Pau sang myizvoq kap shang koi

  Mo sang zozvoq rot shang koi

  Pausang myizvoq lui

  Mosang zozvoq lui

  Lalik myiyu zhvung ding zhang

  Lalik yobyin gan kap zhang

  Lamo zo wadang gum ra o

  Labang guq gauzhvi bying ra o

  Ngapo paulum ga le

  Ngamyvi shuqnuq ga le

  Dvanghing zomyo myvu lui

  Yohing jvomyo myvu lui

  Lvumlik luhi wo e ga o

  Dvungshin byihi wo e ga o

  Pau sang myizvoq yung yu lui

  Mo sang zozvoq gan kap lui

  Lawut byam le yuqzo Gamshong ga o

  Lashi zui le byizo Gvoqshong ga o

  Lamun wun dving lui

  Lazva wun dving lui

  Bvoming bvoman kum ra o

  Laili laigva num ra o

  Wap dang dving lui

  Wap ji dving lui

  Lamo zo wadang gum zhvung dving be o

  Labang guq gauzhvi bying gan dving be o

  Jvo chang zhvup e jvo dving be o

  Nyi chang zhup e nyi dving be o

  Madoq zhvoi be o

  Ningtan yung be o

  Byudik zhvung ma kap be o

  Wadik zhvo ma rot be o

  Ngazvhi e tauzhvi

  Ngawvoi e tapan

  Paqzhvi marang mai

  Paqrat shinggvang mai

  Paqzhvi mayat ra o

  Paqrat shibyvat ra o

  Zhi e anbum moq mai

  Woq e cegau ngvat mai

  Mopo dangtang guq e ashut o

  Momyvi gapzvum nang e ashai o (Aban shi)