Mauyam wazo ma napsun

边寨的清晨

时间:2019-07-19 10:16:24

  

    Wazo gi saiwon kau mai bun lo be

  Aman le yvupmoq gi

  Wuizui zo chikchik za gvut

  Laizo toq ma num ra

  Builoq atoq mai bik jo lo be

  Ngamngam za ga

  Lai byuq lo be aqing ma

  Yvoyvo za so dui nyi ra

  Saiwon gi imyit lek dik e duize

  Nau e su builoq o ma dang wun ra

  Akat kat za bubyva zo su

  Wazo ri gopgop za tup dvo ra

  Yotung bva ma e ngvanboq zo

  Mvannyuq ma jo leq bum lui

  Chuichui za e igvun buinyi ma

  Jvoshu yoq le isam eq zha dik e buinyi wo yu be

  Zvumzvum za e nguingon gi

  Loq lvam gvat eq wo yu ra su dut ra

  Lamdik e wilam yo ma

  Aqing gi aso lo

  Imyit ri, hau ma zhoq dvo be

  (Kongno)