Xi 7zhung byu migva ge mu piwang bo le

这七种人命最好,福最大,有你吗?

时间:2018-05-14 08:43:23

Myvipo sangqang ga ri, sumfun gi maukung eq pandvo byi le, nyvitfun gi yvumsing shigut shizhaq yu ra le.Byu e migva gi aqum lvum e ngvut le, migva ge age gi lawam gi migva mai wun le be, asu e myo pyang gi tang ma yvumsing mai shigut shizhaq yu ra le.Tang ma shigut shizhaq yu ra e aqak midung qo gi, yvumsing e imyit ajvang midung     mvoqbvan qo gvut ge ra le, dai le ngvutzhang gi imyit eq ajvang qo ri ga le, imyit ajvang gi  byu e migva doqdan dvo byi le.Imyit ajvang ge zhang gi hai ri dat chang ge lo le.A o ma xi 7zhung byu e migva ge mu piwang ri bo le!Wuwu shang nang bo le lvu?
Shut dat yin yu e byu
Byu gi anum num shut agvam yin yu mu le, hai shut mu ri subve shut qo za zvuq, yvumsing gi zho e bun, gege ngvutzhang shut ayin yu zhang gi shut e qo yvang ngvut be.Shut yin yu e byu gi mowui, byinchang numnang, pongshingra shiwa byu, zhe gi zowui angvut mu gi  ngo ri azhu gvut e byu ri shut yin yu gvut zhang, yvumsing maunyvoq lakat ri ashau lo mu gi, advau qo lvang myitlam gantoq lo mu lui, byu myit wang qo dum dat chang toq shit lo le.
Myitnu myitnvam e byu
Byu e zui gi tan le, sho gi nyvom le, byuze tang zhe zhang, zui gi ban jo byvam dut le, sho gi adat jo byvam e ngvut le, haumu lui myitnyvom myitnvam ra le, hauzhang sheq gi byuze nyi hing le, tan zhang gi dat sum le.Byu gi imyit myitnu myitnvam zhang gi, byuze nyiyap qo ma ganzvang myvang dik qo ngvut le.Byu gi imyit myitnu myitnvam zhang  gi, byuze nyiyap qo ma zhe ngon zhe hing le.
Wo yin e byu
Wo yin su gi zo ge ga.Wo yin qo gi dat lazhang ge, dat piran ge, paqzhvi lanyven  wum-o eq mu gvo ri mu dviq gvut wo piran dut, mu dviq ri gi a bo nvang gvut wo piran dut.Byuze nyiyap qo ma wo yin imyit bo zhang gi,  minggvan ge age qo, angvut azhoq qo dat wu qang le.
Wo dairot lvum e byu
Dai rot lvum qo ngan zhang gi, angvut azhoq、dai myo lvum mu eq jo shut mu dat toq lo le.Aqak midung qo gi dai rot lvum mu, shidaq se lvum, shidaq qamsa myit bo lvum, shidaq tuqbang girum lvum, banshoq bang gumang nvikdvang zhvat ngvut le, shidaq dai myo lvum、adai rot lvum zhang gi kisu gvut  rapra ra dvi?
Wo qo nang byvam e byu
Byuze nyiyap qo gi shogvuq sedep la- lvum ja ngvut le, chung ra zhang waqdvoq gvat, achung ra zhang gi yvang ri qo byvam dvo, qo byvam yam ri aqo byvam gvut zhang gi, lai dik e ze waq dvo e ja nyi   a-ngon dik dut le.Byuze aqing gi dvot le, shut yin yu, kungga paudvap, qamsa imyit bo zhang sheq gi su eq hang yu le, qo nvang byvam zhang sheq gi myit wo alai.
Ajvu myit bo e byu
        Su ri gewang bo byi e myang zhang gi bi gibu byi e myit bo ra le; Byuge muge tunghui zhang ajvu myit bo ra le.Byu e myit gi shidaq byi lvum le, anum num ajvu myit bo nyi zhang piwang yvang bau dat le lo le.
Wangzan qo aqak yu e byu
Wangzan gi aqak midung dik le, gungdu wangzan zhang gi yvumsing gung gewang bo mu gi, byinchang numnang, yvumbyu ri myit mu le. Wangzan e gungdu wo zhang gi, hai ri ban wo be.        (Muiho Mugvai)