Laigva cham ding za gva

练字

时间:2018-01-12 16:37:56

Gokun le bang gi laigva gva ra hi ma gva dvong ze maubyi zhum ra moqwing hi lui ge dvo ra dut le. Meqwing lui ri gungdu dvem za zung ngong dvo, angvut zhang ding za yap ngong dvo mu, nvik-u nunu mai lui ra dut le. Za angvut zhang meqgom ma e meqweng dat zang lvoq yvon shun byvam le. Tang ma laigva gva dvong ze zhoq bum mai gi, meqwing ma tauzhum mu gva e maubyi gi laigva cham gvam gva zhvoi gvun bang za la chung alo. Akui pyang laigva bat toq ze zhoq bum lo mai zhe, ori mu kat za han yan bum mu laigva gvam gva zhvoi gvun byu zhe ri zhe sau lo byuq be. Ngvut gvilvang gokun le paqzhvi sara mo bve dai lo sangqang dang: laigva cham zhvoizhvoi yungyung dat gva su gi   imyit ri            zhvoiyung le ga gi mizving dvo ra dut le. Laigva cham dat ding ra za gva su imyit dingman le, laigva cham gva yvon su  imyit yvon le, laigva gva su imyit age shuk, dingman zhvungzum za zung ngong dvo, angvut zhang yap ngong dvo mu, myoqzhi eq mausau qap joro ladung gvo jvo lui, nvik-u nunu mai laigva la cham eq la cham joro, la yan eq la yan joro raprap rara, yanyan zikzik za gvut gva      zhvoiyung ra dut le. Myiwa sangqang:byu kayuq kasu byu ngvut e se nau zhang, yvang gva toq lo laigva ri wu aq ga gi, gege ri imyit zhvungzum su gva toq lo laigva cham    zhvoi yung le, imyit shuk su gva toq lo laigva gi a yvon a keq, agvong a gva dat dut le. Asu mu, laigva gi imyit zhvungzum mu nvik-u nunu ga zhang sheq, lawo gva zhvoiyung le ga.
                     (Puqgva su:Pauqi Mudvom)