Gvung su tang zvuq za chan

谦学者,紧跟随

时间:2017-11-03 11:05:08

  Gvung su tang zvuq za chang ga zhang gi, byu dut ma dut zhimu paqzhvi gvung su tang ma zuqzuq chang mvoq gat yu ra dut le ga lazhvum ngvut le.

  Byu zhimu paqzhvi gvung su tang achang zhang, anum lon nyi nyi gvun bang eq zang zum lo mu, byuze labyvat lon nyi dat nyi sum byvam le. Asu mu, byu gi zhimu paqzhvi gvung su tang chang lui, zhimu paqzhvi niknik bi mvoq yu, yvumsing age ashop e nviknoq imyit pyuq byvam lo, ge e zhvitdap shijo kungga imyit bo le lo gvut ra dut le. Byu gvunggat su tang myang chang zhang, gvunggat byu wo bi nyi dut le. Anum shutshai yui hai za lvoq toq wun su ngvut gvo lvang, paqzhvi gvunggat su tang chang lui, muzui mvoq, byuze mvoq, paqzhvi mvoq, ge qo eq age qo wu se mvoq gvut zhang, lvoq shut lvoq ra e mu la-nyi eq lanyi shau lo mu, lanyi eq lanyi byuge wo bi nyi dut lo le. Asu mu, byu kayuq jvoqqo nyang su ngvut angvut gi, yvang paqzhvi gvung su tang myang chang a-myang chang ma wu le. Paqzhvi gvung su tang myang chang su gi, age e nviknoq wut wun ra dvo myvi byvam lui, ge e zhvitdap shojo kungga imyit yvang bau dat bo lo le. Byuzheq byugang bve eq zang zum su gi, sanghi zum ri cautu a ho lvum gvo lvang, byintoq byinwang lanong za gvut bi nyi myang lo zhang, imyit ri bi myit byoq ten lo mu, hi gu wo shigut dvo arong myoqdong lvoq sum byvam, gopuq byuze eq la moq la nong bi dut lo mu le. Haumu, byu gi byinchang zum ri qin mu zum, byuqo byujvoq nyang e paqzhvi gvunggat zu eq zum gvut ra dut le.

  Dum ngvutzhang, byu gi“puizhvap hi nang su gi hi nang su” ga ja, zanwut zhe gvo bang byu hi ze lo be mu, hai ri yvangmoq zhe se dvo lang le. Dviq bang gvo bang tang ma chang mvoq yu ra qo zhaq myo le, gvo bang gi dviq bang ri gapnang gapchang qo sotong byi ra dut le. Gvo bang tang ma sedat paqzhvi wo mvoq wun yu su, hai gvut gvo lvang qoyam zunzo adat nang zhau gvun, kasu yakkak mu ri atung ate wo gvut rot lo le.(Puqgva su:Pauqi Mudvom)