Byi eq yu myo eq shau

舍与得

时间:2017-09-21 15:04:05

  Byuze labyvat, ngunze byi yu lvum qo gi, byi e myo, yu e shau gvut ra dut le. Buinum, byinchang, yvumbyu wui eq yvumsing joro ma, byi zo byi shuq byi chung qo eq yu zo yushuq yuchung qo mai angui angon age dut lvum. Yvumsing wo dvo ze o ra su ri byi o, chung ra su ri byi chung gvut ra dut le. Buinum, byinchang nvikdvang shidaq gambum tung lvum qo mai ri, myo su myo ra, shau su shau ra ngvu age mying myo lvum, yvumsing midvu zhe shau, goyuq midvu zhe myo gvilvang, yau be ngvu e imyit dat bo ra dut le, lazvui lazo za ra lvum ze zhvin but lvum le ri age gvut. Nga nvung yu gi, showa poq ma ze eq goyuq loq ma ze gam yu le, yu e shau zhang, showa poq eq goyuq loq ma bo dvo ze myo ashi. hau gi nga- nvung o ra zhang dum yu ra ze. Ngvut gvilvang, nganvung yvumsing o ra ze yu ri azhe awo yu, ngun wosu ngun eq tai, wum bo su wum eq tai gvut ra dut le. Byu gi ngunze yu wang lo qo eq byi toq gvat qo mizang rin ra dut le, zomyoq age noq, nammap age bo, gambum a- ngap ze gi goyuq midvu dut lo gvi- lvang, hai mying age myo, ngunze qo mai numnang auzo buinum byinchang yvum byu wui eq myoqnung myoqcui age dut lvum, mibyoq zhishum zhe age toq lvum. byuchang byu zum lvum lo qo ma ri, ngunze wo bang awo bang eq lazhung za zum le, myo wosu ri myo ngui, awo su ri angui age gvut.

  Byu layuq byu pau dap adap gi, ngunze wo awo ma aga, yvang mai buinum, byinchang, yvumbyu wui eq showa byu banshoq bang ri gewo gvut byi e myo amyo ma la ga le.Byuze labyvat ngunze tailvik chung lvum qo mai, jodoq byuze lvum ra dut qo gi ori dat myit se yu ra dut le.(Puqgva su:Pauqi Mudvom)