Yomu zui mau ma wuixin lvu bang ri byi e dang

给玩微信朋友

时间:2016-12-29 09:19:18

  Wuixin pung ma yuqkang yuqmo dangngon nyo

  Yuqkang yuqmo byinchang dut

  Yuqkang lum chang lum wu chang wu

  Myin yvup ra hi ma wuixin lada zo pongwu gvat

  Byinchang wui ri nyo hui gvat

  Mau labo eq ukuq toq ma e zhvinvan wuixin dum dvoq pongwu

  Byimchang numnang wui hai wa dai dvo agvo lvu

  Kisu e qanglu、kamyvo zhvoi gu e alvo bo le lvu ngvu

  Wuixin eq byu shichang lvoqzhvang lvum

  Maukung myigung abyvi azvung hai ming nau ge ming

  Wuixin mai minggvan toq ma e ze bimyang bise

  Wuixin ma azhung zhung paqzhvi wo se yu

  Lai mai yvumsing gai toq lo e ze ri ge gvattoq ung

  Ngvut ri wuixin ma e dang ri gi banban alvum ge zhing

  Myoq eq lago wu unuq eq lago rom ra le

     (Gvasu   Mumvau)

  Wuixin lvugvun ri gi ngonzhang bo

  Ngvut ri aqing ban mu gi ngunze ri gun

  Haudu hai hai myang hai banban apong awu no

  Wuixin ge dong chung zhang ajvu gvo dik momo