Yang Xincung zhongzo yvumsing soi e sumla dvambyvaq shit ra

杨兴聪举办个人画展

时间:2018-07-09 09:34:40

Yvumsing wap lusik Sakung mau sira gvolik zhong ma e zhongzo Yang Xincung, lvomo 6qap 25nyi mai 7qap 1nyi zhe yvumsing soi e sumla yvumsing zhong ma dvambyvaq toqshit ra. Xida le dvam toq shit e sumla banshoq 56qap long bo ra, midung gi yvang isum zan soi lo e su-myau eq yuqhua sumla ngvut ra. Nganvung yvumsing mau nyi amyvu zo bve, yvumsing mau yvumsing zhiwo ri myo soi toq shit bum ra, nvunglvang bang ri yvumsing zhiwo mau kimyvo myvo     zhvoi e soitoq byvaqshit dvo ra, xi gi zhongzo bve eq sumla soi shirvong bang chom wumvoq lvum gvun zhang ri dut be.
Yang Xincung gi Mingmau Nongdau byu, akui Sakung mau sira gvolik zhong  yishuq xi ma zhongdoq nyi ra, 2015zan pung sumla soi pung ma doq nyi ra. Yvang soi e sumla awo wo ma bidvam byvaqshit ri, qeon zhvunghuq azhung zhung wo  myang yu be.
Yang Xincung sumla soi loq zhimu zvomra zo bo be, isam bve ri zhaq ge chung be, zoshang xi gat ra dut ra. Yvang e sira Yang Xaudung yvang e sumla dvambyvaq shit dangpong laigva ma daidvo eq lazhung be: Yang Xincung zhongzo     amyang e ze mai hi mu, myoqmyang de e ze gvut toq lo be. Sumla soi ri gi myit sumnvu mu shigut shirang ra zhaq ra le, awo shirang shigut su adut, shigut su midvu.
Yang Xincung zhongzo akui mai zhe so zhe we, zhe dang zhe wo dang myvang aq!
                   
 
 
 
     (Mmvau)