Gung Jinzhen: wuiyat e tungpyi lui myita qo han sai rot shang ga dai ra

龚敬政:克服困难 迎难而上 早日圆德宏人铁路梦

时间:2017-08-31 10:53:50

  Yvumsing wap lusik Xiqap 23nyi ri, Gung Jinzhen nvikbo bve dvarui(Dvali mai Mingmau zhe e) myita qo nganvung mau dvum ma gvut lo le qo lo wu agvo. Gung Jinzhen nvikbo wa, myita qo xi lawan sai e lo lui, myita han myang zhi ra qo gvut shang ga dai ra.

  Gung Jinzhen nvikbo wui Mangshi Xizhan myita qo sai zhang ma hi le wu agvo. Myita qo sai wap ma e nvikbo gvut su kisu ngvut e loqmu lago lvom sangjvo ra, Gung Jinzhen nvikbo ban joyu e mai,loqmu lago gvut ra qo sai dai ra.

  Gung Jinzhen nvikbo, Gauligungshan Gaurigvong myita qo dong ma le wu lui, TBM kingze xi lago chung ra dut ra, kingze xi chung zhang lvomo laqap qodong 60myi za mai 800myi wo du toq bira. Ximai, qo sai ri lago son sidiq gveq, haimu ri age toq, hai ara ra qo lago gvut zhe ra dut le ga dai ra.

  Zung minglvum zhang ma, Gung Jinzhen nvikbo lvom daijvo gvo e lago hi ban jowu e mai, myita qo sai bang gvut e ge ra, akui mai, senglvum e rungwap kangmo wumhum uhum gvut lui lago sai chom gvut e lo gveq, akui sai gvut e lo ra mu zhaq myo ashi, atung ate gvut lago chom zui e lo gveq ga dai ra.

  Mangshi shuji Zhau Dungmui, Mau myuq myita qo wapdoq、myita qo sai uwun bang bve ri bichang lving agvo.

  (Puq lazhang su Doqshi Mumvau)