Nganvung ming ma wang lo bang ri 14nyi jvogvang ra le

注意!所有入境德宏人员均要集中隔离14天

时间:2020-04-10 16:24:25

    Asik toq lo e zvut wumno gaming mai wang lo ra ri lvomgam ge ra midvu, Sakung mau mai shitjvo laigva byvotoq be:Lvomo 4qap 4nyi mai, gaming mai nganvung ming shut wang lo e bang ri banban la zhowo ma 14nyi lvoqgvang ra le, hau u le e zoshuq apau gi yvumsing toq ra dut le ga.

    Sakung mau xingon zvut wumno lvom gam muzo shui-on pung, nganvung ming shut wang lo byu ri zhepcha shitjvo laigva. Ginwang myuq kangmo ma zvut wumno lvomgam muzo shui-on wap, mau eq gunzhvung wap、ming mai Sakung mau ma muwun rungwap kangmo: Gaming mai zvut wummo wang lo ra ri lvomgam ge ra midvu, ao ma gaming mai wang lo e byu ri zhepcha muzo shitjvo laigva byvotoq gvat le:1、Lvomo 4qap 4nyi mai, nganvung ming shut wang lo e bang(Zhunggo ming ma byu ri bo lom le), misat dvo e gan chang mu, 14nyi yvang zhowo lawo ma lvoqgvang lui heson(核酸) zhepcha ra dut le, zhepcha apau gi yvumsing toq;Yvumsing gvam e ngvutzhang yvumsing yvang apau toq lui 2da heson zhep ri yinxin(阴性)dut、lada xecin kangti(血清抗体) zhep ri yinxin dut e gaming mai wang lo byu gi, lvoqgvang zhowo ma 7nyi gvang, yvum ma 7nyi gvang ge gvut le. 2、Sakung mau chirung mai zhepcha muzo uwun zui le. Zhepcha apau:Xingon zvut wumno heson zheppau 500koi/yuq(da), xecin kangti zheppau 120koi/yuq(da).

    Mau chirung zhepcha muzo zui bang loqcoq byu:Yang Byiqin 13759217183, Fan Yinhua 13988299909.

    Hima shitjvo laigva xi eq aqum e bo zhang,  xilvum shitjvo laigva mai chang ra le.

    Sakung mau xingon zvut  wumno lvom gam  muzo shui-on pung

    2020zan lvomo 4qap 3nyi