Kongqen izhvam dvau ma 75% e juzvin kagvat

75%的酒精最好 别用矿泉水瓶装

时间:2020-04-03 09:39:18

  Akui byvat yvum igvun kau ma nobau sat ri 75% e juzvin zhaq dat chung bum le. Akun, 75% e yichun kongqen izhvam dvau ma ge gvat le dvi? Bejin myuq sengang sunwun Li Dungzhu dai ri, kongqen izhvam dvau ma agvat ri gi zhe ge le ga.

  Yvang dai ri, Mingdan wuijen wui mai 《Xin xing gonzhong zvut wumno daplvum nobau ya ra yung》ma daitoq dvo gvo e ri, 75% e yichun、luq bo e nobau sat chiwing、goyang yison bve gi nobau ri wo sat byvam le. Asu e nobau sat ze xibve gi myi duq lui、 mui、zheq mu e bve juqdvan dut lui, laqma advo zho zhang, myi dat lvoq dvap、zang lvoq mui、nyve cheq amu bve dat toq le.

  Mingbyu wui yvum ma juzvin dvo e kun, dvau ladvau ma 500haushen age gvat lvai. Juzvin gvat zhang myoqzham dvau angvut zhang chiwing gvat e jvau dvau ma gvat aq, amyvi dvingdving ge myvi dving gu zhang ma gvat, amyvi abo gu zhang ma gi roq yvang age gvat, haumu, miyu ma nga- nvung yishi chung le kongqen izhvam dvau ma agvat ri zhe ge le. Juzvin、nobau sat chiwing bve dvo ri gi buishum、lairot、myi eq jvan gu zhang ma dvo aq, bui kazang lvap. (Puqsu Mulat)