Yvumkau nobau kadong sat ra?

室内空气、地板如何消毒?

时间:2020-02-12 09:41:26

  

    (1) Zuzvin chung mu ge sat le. Zuzvin gi nobau ma e danbezhi ga su wo lvoqdvung byvam byi le, gungdu kama nobau sat ri gi chi sira bve chung le 75% gu chung mu ge sat le.

  (2)Bunghup lui nobau wosat le. Bungqung mai nayi 20minit gvo bunghup zhang nobau wo bungsat le, aujvo aukoq, mebu eq dam tup le shabu bve ma nobau gi bunghup lui wo sat le.

  (3)Wuibu eq zhvoqsat ri ge le. Nyepyang100mvak zhe gu wuibu eq gi nobau ri wo lai yvam nvang le, haumu aujvo aukoq, zoshang wui e sup gvun ze, nau huq le dvau xibve su gi izhvam pyut za gvat lui zhvoq zhang nobau wo sat le.

  (4) Builoq ma lvap ri nobau sat. Builoq ma lvap ri nobau zhaq wo lvap sat le. Mebu pizhong, sauqing hai eq sai gu e zoshang wui e supgvun ze haubve builoq ma lvap zhang nobau wosat le.

  (5)Laisoq sansan gvut ge ra le. Yvumkau ka gi laisoq sansan rot nvang ra le, zhe gi jvishu yoq eq joqmyo ka, joq ri ngvu mu kummyvi dvingdving age gvut, sansan pongsan ra le.

  (6)Gaumung sonja rungye ga e chung mu nobau wo sat le. Yvum ma aujvo aukoq, mvanhaq zangsun eq shicham, 5‰gu e gaumung sonja wing eq nayi 1minit hi nyvun mu jing za e izhvam eq chisan zhang ge be.

  (7)Pyaubefun eq nobau gesat le. Pyaubefun xigi nobau ri wo zhiten lui wo lvoqsat byvam le. Yvum ma siboi、 yvuppyang、myigung、cewam ka 1-3% gupyaubefun wing eq sutchi zhang nobau wo sat le.

  (8)Xauduye ga su eq nobau wo sat le. Xauduye ma gi nobau sat ze zhaqbo le. Chiwing xi ri wuizvit dvau ma gvat mu bikpyup zhang、siboi、dvangkuq、yvuppyang、cewam、myigung bve ma nobau wo sat byvam le. (Puqsu Pauyam Lazhoi)