Zantai shiman kunzvum

春节祝词(连载)

时间:2019-09-27 09:18:27

    (Chumlut Dvon)

    Pozo zhigau tung yu yoq

    Myvizo woqgau ngvat yu yoq

    Pozo myvizo zhiyu ngvat yu yoq

   

    Duhum kun hum yoq

    Kun hum te hum yoq

    Duhum te hum yoq

   

    Shomvui chum pong yoq

    Imvui yam pong yoq

    Shomvui imvui chum pong yarn  pong yoq

   

    Nyuqnyun i shuq yoq

    Haqdvut shozo yoq

    Nyuqnyun i shuq shozo yoq

   

    Nyuqnyun man bo i shuq yoq

    Myitchin man bo shozo yoq

    Nyuqnyun man bo shozo i shuq yoq

   

    Chuitang man bo i shuq yoq

    Ngvamtang man bo shozo yoq

    Ichui shongvam zo gvun shuq gvun yoq

   

    Zo ungwaq hum yu yoq

    Shuq qunglum humchui yoq

    Hum zo hum shuq gvun e yoq

   

    Zo sumpoq yang gvun yoq

    Shuq sumgom ngvui gvun yoq

    Zo yang shuqgom ngvui gvun yoq

   

    Guzo no a dut ra zo zo yoq

    Yo-i nat a dut ra i shuq yoq

    Zhono a bo zo zo i shuq yoq

    Shozo nvik ma a zang ra shozo yoq

    I shug u ma a doq ra i shuq yoq

    Zo nvik shuq u a no ra shozo i shuq yoq

   

    Nyuqnyun ratrang i shuq yoq

    Myitchin ratrang shozo yoq

    Ratrang shozo i shuq yoq

   

   

    Cungtoq cunggan kan gvun yoq

    Zanwang zan-gan kan gvun yoq

    Cunggan zan-gan kan gvun yoq

   

    Lahing mun gu yoq

    Lalam mo gu yoq

    Mung hui mo hui yoq

   

    Chimyi i de yoq

    Moqmyi zo de yoq

    Zomyi zomoq i zo wun de yoq

   

    Zan tai i de yoq

    Qap tai zo de yoq

    Zan tai i zo de gvun yoq

   

    Cungsoq de gvun yoq

    Zansoq de gvun yoq

    Cungsoq zansoq de gvun yoq

   

    Nyuqnyun so dung yoq

    Myitchin so dung yoq

    Nyuqnyun myitchin so dung yoq

   

    Nyuqnyun zhvungdvon yoq

    Myitchin cedvon yoq

    Nyuqnyun myitchin zhvungdvon yoq

   

    Pyowu yoq ma myang hui nyi

    Nyuqnyun yoq ma myang hui nyi

    Pyowu nyuqnyun yoq ma myang hui nyi

   

    Cangzup wo ma myang zup nyi

    Luizup wo ma myang zup nyi

    Cangzup luizup wo ma myang zup nyi

   

    Zhvit so dang sang gvun

    Dvap 1o dang sang gvun

    Zhvit so dvap lo dang sang gvun

   

    Sumzai mvomyi kai gvun yoq

    Sumbyvat labau kai gvun yoq

    Mvomyi labau kai gvun yoq

   

    Mapoq ngon mying mu gvun yoq

    Shingra ngon te mu gvun yoq

    Mapoq shingra ngon mying mu gvun yoq

   

    Sulik wu gvun yoq

    Subyvang shit gvun yoq

    Sulik subyvang wu gvun gvun yoq

   

    Sulik wu gvun yoq

    Subyvang wu gvun yoq

    Sulik subyvang wu gvun yoq

   

    Pungtoq cau mvon yoq

    Lamtoq shang mvon yoq

    Pungtoq cau mvon shang mvon yoq

   

    Nyuqnyun pyoyung yoq

    Myitchin wang yung yoq

    Pyoyung wang yung yoq

   

    Pungtoq cau yung yoq

    Lamtoq shang yung yoq

    Pungtoq cau yung shang yung yoq

   

    Byuli chang gvun yoq

    Wagan chang gvun yoq

    Byuli wagan chang gvun yoq

   

    Lazun pau chang pau gvun yoq

    Doqyo gu chang gu gvun yoq

    Byuchang pau gvun gu gvun yoq

   

    Byupau dvap gvun yoq

    Byuzhvit dap gvun yoq

    Byupau byuzhvit dvap gvun yoq

   

    Mo pau dvap gvun yoq

    Zozhvit dvap gvun yoq

    Mo pau zozhvit dvap gvun yoq

   

    Cungtoq cunglu mu gvun yoq

    Zanwang zanlu mu gvun yoq

    Cunglu zanlu mu gvun yoq

   

    Cungtoq wangan nyi ra shiman yoq

    Zankap nguingon nyi ra shiman yoq

    Cungtoq zankap nguingon nyi ra shiman yoq