Myiyu yobyin shiman kunzvum

新婚祝福词

时间:2019-07-12 15:54:15 来源:德宏团结报载瓦文

  Lahing mun bo wui

  Lalam mo bo zo

  Mo bo zo mun bo wui

  

    Byi wam wui e zo

  Hangwam wui e byizo

  Byiwam hangwam wui e zo

  

    Byilo yoq du lo

  Qo so yoq du lo

  Byilo qo so yoq du lo

  

    Pung wang yoq du lo

  zam gu yoq du lo

  Pung wang zam gu nam zhe 1o

  

    Lahing mun gam zo

  Lalam mo gam sho

  Mungwui mo wui byi e zo

  

    Lvam-yung kat cuq myi

  Ri nong kat cuq myi

  Lvam-yung rinong kat cuq myi

  

    Sham-yung qam dvon myi

  Posham qam dvon myi

  Sham-yung posham qam dvon myi

  

    Lahing mun dvon myi

  Lalam mo dvon myi

  Mungwui mo wui dvon byi myi

  

    Sham su sojan nyi ra myi

  Lvam su zhvung hing nyi ra myi

  Shamlvam su sojan zhvung hing nyi ra myi

  

    Cangpoq ngelvo myi

  Shipui tanlvo myi

  Ngelvo tanlvo myi

  

    Byudik zhvung dvon gvat e myi

  Wadik cedvon gvat e myi

  Zhvung wo cewo myi

  

    Kunzhu upyu wut wun myi

  Langzhang zuine wut wun myi

  Upyu zuine wut wun myi

  

    Ugung lvum wui nyi ra myi

  Byveso Ivum wui nyi ra myi

  Ugung byveso lvum wui nyi ra myi

    (Gvasu Chumlut Dvon)

Tang da lvom wu coq aq