Zoshang wui xi bve wo gvut zhe zhang ge le

孩子能做这几点, 比考满分更优秀

时间:2018-11-02 15:44:02

Zoshang gi nganvung e kungcoq ngvut le,  anu abvan mai lago yvang mvoq ra ra le. Zhe gi nganvung mowui gvut bang nyinyi maumau zoshang eq laha nyi bang, zoshang ri advi za mai lago lvoqmvan ra dut le.
Lalvum gi ajvu bun nvang ajvu dvau nvang ra ra le. Anu  abvan mai zoshang ri gi byu eq myvo mvoqlvum nvang man ra dut le, yvum ma kayuq byinchang kabang buinum auzo bve le e ngvut ri nyolvum nvang,    byin e pung toq zhang bve ka ri byu bve eq nyo mvoq gvun nvang ra ra le, byu ri kungga paudvap se nvang gvut.
Ilvum gi ajvu dvau dang dat dai ra le, ajvu gvo be ngvu.
Advi mai numnang wui ri kungga paudvap se nvang man ra dut le, o myang o ri nyo man nvang le gvut.
Sumlvum gi byinchang eq zummvoq nvang ra ra le.
Zoshang gvo lo soq mai ka jvo zoshang wui eq ri ge zum gvun nvang le, byinchang ge za ngvutzhang gi, byinchang eq zum zhang myitlan myitsan le, byinchang eq myo zum zhang su lvik subyvang ri zhe se mu lui gi myit ri zhe wang lo le.
Mowui gvut bang byinchang wui eq kisu gvut zum ra nyan paqzhvi lason chang mvoq byi ra dut le, ge gu e byinchang eq zumnvang, age gu e byinchang wui eq azum nvang gvut.
Laigva paqzhvi lago mvoq nvang man ra ra le.
Zoshang gi zhongdoq paq zhvi mvoq jvo yvang ngvut le, hai mvoq yoq ri hai lago mvoq byi mvoq nvang gvut ra dut le, laigva paqzhvi mvoqbyvat be, byuze byuyap mvoq yoq be.
Myilvum gi hai myit hai dai hai bo hai dai gvut nvang
Zoshang ri anu mai hai myit toq hai dai nvang gvut ri ge le, zhe gi myit alvum lan e zoshang wui ri zhe nyo toq man nvang ra ra le, byinchang myo zum nvang le gvut. Laigva paqzhvi mvoq nvang e mai gozhung aihau zo bve ri bo nvang ri ge le, zoshang wui ri gi hai ri wo myo mvoq nvang ri gi zhe ge su, hai ri myo gvut nvang man ra ra le.
                      (Mumvau)