Selik nyva e gewang

衣柜里面方根烟衣服一年不返潮

时间:2018-04-26 12:05:32

Nyva bvok ri gungdu wangzan qo zang kilaq mu, o lvang nyva ashau bvok shang ga le, asu e, selik nyva ri lago dat chung zhang, nganvung yvumkau wang ma gewang zhaq myo ri ngvut ra.
Bau ngat ra ri gam, bam ra ri fang
Mebu bam ra ri fang
Mebu gvat e gvui ma selik nyva lo gvat dvo zhang, lazan ma lvang mebu bau angat, adat bam.
Mausau eq selik nyva ri tup mu mebu kau ma gvat dvo zhang, mebu abam bau angat.
Mvungshing nam e wo    byvam
Selik nyva ri guizi kau ma gvat dvo zhang, akau ma mvungshing nam e wo boi le
Mausau ma bau ngat ra wo fang
Selik nyvamop ri mausau kau ma gvat dvo zhang, bau ngat ra ri wo fang le.
Zoze lvoq zhum
Selik nyva gi zoze ri wo lvoq zhum le lvu?Nyvakat gi hui le zhung ngvut mu, mausoq kau ma e wuibo  ri wo zhvup hui lui zoze ri wo lvoq zhum le.
Lason ri lvoq zhum
Lason eq selik nyva laha sulyau tung ma gvat dvo lui   myviging dvo zhang, lazan gvat dvo ri lvang lason zhumzhum za dut ashi.
Myinuq dvo
Myinuq dvo myang ri bau eq ngat, dum dat bam dut le, ao ma dai dvo e nyan paqzhvi chung zhang, myinuq lazan dvodvo ri lvang bau angat, ri adat bam byvam.
Myinuq eq selik nyva laha sulyau tung ma gvat lui, sulyau tung ma e soq myviktoq byvam mu dvodvo aq, hauzhang       myinuq bau angat, ri adat bam byvam.
Chinbau bau ra ri gam
Selik nyva eq chin sulyau tung ma laha gvat dvo zhang, chinbau abau loq.
Nam e wo boi nvang
Selik nyva gi nyvahaq eq sai e ngvut mu, zhvup wum bo le, haumu mausoq kau ma      azhung zhung nam e shing wo lvoq boi byvam le.
Qi nam e lvoq boi
Nyvadvum eq qizvung den laha nyvun dvo zhang, qi- zvung den nam e wo boi mu, qi nam e ri wo boi le.
Namdvum ma nam e lvoq boi
Selik nyvakat ri langcheq mu koqzo mai gvat lui nam- dvum ma e dvodvo zhang, namdum kau ma nam e wo boi byuq le.
Byvinxang ma selik nyva lakat e gvat dvo zhang, akau ma nam e wo boi le.
Jvoi e wo sut zhvoi
Selik nyva bau ngat e wo gam, namze wo lvoqboi, zoze wo lvoq zhum e mai lai lui, yvumkau sanseng gvut qo ma ri gewang myo dik le.
Kadong gvut ra 
Wui zhvoi lakoq eq selik nyva lakat hen ge mu, nyvamop wuikau ma gvat e mai lamyin mau nyvun dvo aq.
Nyvun ge e nyvamop wing ri bikze gom ma gvat aq, haumai sanseng wui wo gvut dvo be.
Kihot kum sut
Sai ge dvo e nyvamop sanseng wui eq kihot dong kum ma bik lui, sutze eq e sut zhang, jvoize zhaq jo lui le.
Ciqzhon ma jvoize sut
Zanggai wap ma ciqzhvon ma cuzhap hai  lalong long dangdap bum le, juq no amu, nyvamop sanseng wing eq bikchi aq, hauzhang zhaq wo chi zhvoi le.
Banbo wui gvat
Nyvamop sanseng wing eq banbo ma wui gvut gvat aq, hauzhang banbo gam ri pun gvat dut byi e mai lai lui, bau ri wo sat le.
Nyvayin don nyan paqzhvi zo
Nyvabvok ri gungdu wangzan qo zhaq zang kilaq le, haumu nyvayin rau wo don     byvam ri gi zhe ge le. Ao ma  nyvayin don ra nyan paqzhvi zo lalvum mvoq jvo le, nyan paq- zhvi xi ashau lui le: Nyvamop ri lapoq eq laha nyvunshuq aq.
                    (Kongno)