Suiwum myvang no ri logidat dong mai gam ge ra qo

科学管理高血压的方法

时间:2017-07-03 09:18:17

  Suiwum myvang no gi anum num myang e yvo yvo mai no lo e no ngvut le, yvang gi imyit suicho no e aqak midung juq zhung ze ngvut le, hau mu lui, gam ge eq tangdang ge zhang gi ganzvang myvang e byuze nyiyap wo lom le.

  1.Suiwum myvang no gi nang myit e myvo alai gvilvang, lago sidiq ge ra le.Myosu suiwum myvang no zong a toq, shau su no zong toq le, uwun wun, no-pyo mying, yvupkok kok, angvut mu gi gung wum yom jo lo suga le.Laqma lago awo sidiq ge zhang, gvonxin no, zhinlvum gvan no eq unuq suicho tan byuq no dat toq lo le, hau mai gvang wangzan qo shizvasng byi le.

  2.Suiwum myvang no bo zhang gi aqing dvot mu suiwum lvoq nyvum chi lago zo ra le.Yvang gi “Qing gve bom” ngvut le.

  3.Izhum zo e shau ra le. Suiwum myvang no e zoshuq qo ma zhe aqak midung sidiq ge ra e qo gi izhum shau zo ra le.Izhum shau zo zhang gi suiwum wo lvoq nyvum, unuq suicho tan byuq no, gvonxin no toq lo ra qo wo gam ge byi le.Hau mu lui, lanyi izhum zo hang gan gi 3 keq mai age lai e ngvut le.

  4.Nyiwui azhung zhung e mvanhaq sun myo zo ra le.Zhunggo wumman mu tam wapdoq mai dai shit gvo ri lanyi layuq gung ma mvanhaq sun gi 400-500 keq zo ra le ga.

  5.Cu bo gan myvang e zoze eq wewe jvan nyi ra le.Cu, danbezhi eq shatang gi byu gung ma nyesoq gan tuqbyi e sum zhung wumman mo ngvut le, laqma xi sum zhung zoze zo e myo zhang, aqing zhe myang zhe gi byu gung myum lo dut le.

  6.Gungbyvan shiman ra le. Loqsang sira bve dai ri, lanyi nayi 30 minit gunggbyvan shiman ra le, hau zhang imyit nviklvum no lawui wo gam ge mu gi, Aino ri wo gam ge le ga.

  7.Lanyi shau dik izhvam idvau shuq ra le.Laqma buisoq lvum hui zhang gi izhvam shuq gan zhatlvuq gvut ra ashi.

  8.Nyiwui nyi gung ri nayi 30 minit yvup gvat ra le.Nyi gung ri nayi 30 minit gvo yvup gvat zhang gi mizvang tan mu eq myitwum lai qo ri wo lvoq yom byi le.20-30 minit gi nyi gung yvup zhe ge e aqing ngvut le.

  9.Lanyi gom ma suiwum dingman qo migum ge ra le, diqa zhe gi napjvo ri suiwum dingman qo migum ge ra le.

  10.Anum num yvumbyu eq numnang byinchang eq biming minglvum gvun gvut ra le. Minggvan sanseng shuipung mai zhep cha myang gvo ri, anum num imyit angon e yuqge gi imyit ngon e yuqge toq ma suiwum myvang no gan 1.5dvu myvang le, myiwe gi 1.7dvu myvang le.Rungmu zui qo eq byuze nyiyap qo ma myitwum lai mu gi akui byvat le byu gi soq lvang rau awo she rot loq gvo, hau mu nyiwui yvumbyu eq numnang byinchang eq biming minglvum gvun zhang myitwum wolai lvoq yom byi le.

  11.Aqing myang myang kizung man gvo.Samlik se myang gvo ri, nyiwui nayi 3 qing a toq zung zhang gvang dvot le.

12.Tanson yinlyau shau shuq ra le. Laqma keloq shuq nau e suga zhang, sipoq nyvun shuq aq, yishi ma izhvam myo shuq, shicham myo zo ra le.

  (Muiho Mugvai)