Byvotoq laigva akang(laigva saitoq akang) paqzhvi myidvu dang

著作权(版权)知识小问答

时间:2016-08-04 16:27:06

  Hai ri gi byvotoq laigva akang (laigva saitoq akang) ga le?

  Byvotoq laigva akang ri gi laigva saitoq akang ri ga le, hau gi laigva gva su gva pantoq lo e laili laigva、sumlvo paqzhvi eq logidat zhimu paqzhvi laigva gvapan ze myingsan akang wo e ri ga le. Byvotoq laigva akang gi mingzo danzo、dvira byu dvira chang mu wo e mingbyu amu ako zhvum lalvum ngvut le, yvangbau igvunze akang ri dat dut byuq le.

  Byvotoq laigva akang gi kisu e ako zhvum lazhung ngvut le?

  Byvotoq laigva akang gi laili laigva、sumlvo laigva、logidat zhimu paqzhvi gvapan ze gvatoq su zhvum dvira mai chang lui, yvang e gvapan ze ri qom wo e myingsan akang ri ngvut le. Xima toqshit dvo e gi: Nambat 1,Byvotoq laigva akang wo e gvatoq su yvang e gvapan ze byvotoq laigva akang la- zhvum mai chung ra qo ge doqdan le; Nambat 2, Yvang e gvapan ze yvang yvumsing e byuze byuyap qo ma zang dai qo ri ge doqdan le; Nambat 3, Yvang ra e kun seng-ang e mingdan rungwap mai zhvin gvut nvang e dong bo hung girum angvut zhang yvang e ako zhvum mai chung ra qo akang ge dung le.

  Byvotoq laigva akang gi ga diqa dut e mingbyu muzo ako zhvum ngvut le. Yvang gi zhakmu sutze eq paqzhvi akang aqak zhvum bo le. Lam mai dai zhang gi, yvang gi dvira mai byi dvo e byvaqshit su、temyving sairvang su tebyvo wap、datwup wap angvut zhang lai- gva saitoq su, yvang bilom ra e byvaqshit king、temyving sairvang ze、tebyvo datwup byvaqshit angvut zhang laigva long myitzong qo, byvotoq laigva akang eq seng e akang zhvum ri bo le.

  Ngvanvung mingdan ma e byvotoq lai gva akang tunglai chang mu, byvotoq laigva akang gi aban dat dai e diqa byugung akang eq igvun sutze akang ma e ako zhvumbvong lazhung ngvut le, byvotoq laigva akang kau ma e sutze akang gi byugung akang ri zang dai le. Danggve, laigva gvatoq su yvang e gvapan ze laigva saitoq wap ma sanghi e byi e kun mai, laigva saitoq akang bau za wo le angvut, byvotoq ra e akang ri wo be.

  Byvotoq laigva akang gi akau lazhvum zhin abyit sai zhat ra e ako zhvum ri ngvut le. Minggvan mingdan kangmo ma, byvotoq lai- gva akang ma bo e lazhvum gi byvat gizhu adat shai e angvut, pongshingra ringjing e loqzo yoq chang lui zhin abyit zui lam e lo, gvapan ze zhimu sik zhin abyit sai chung e lo ra zhung ngvut le, loqzui apyun za zuilam chunglvuq ra le. Bvong dai gvat gvilvang, gvatoq su byvotoq laigva akang wo zhang gvapan ze byvoshit qo ma adat zang langjvo.

  Gvapan ze kabve ri dvira mai hung le?

  Dvira mai hung e gvapan ze gi:

  (1)Laigva cham gvapan ze;

  (2)Nvut mai dai e gvapan ze;

  (3)Mikon、 zat、 quyi zat、mikon go、zaqjiq sumlvo gvapan ze;

  (4)Alvo soi、rvang gvut gvapan ze;

  (5)Datbung dem gvapan ze;

  (6)Datshin gvapan ze eq datshin dong demtun sairvang yung chung e gvapan ze;

  (7)Mumo myitzong alvo、ze myitzong alvo、maumyi alvo、azing alvo mu e alvo gvapan ze eq zongsam gvapan ze;

  (8)Jisonji ronjen;

  (9)Dvira、upkang dvira tungzam mai mi- sat dvo e gazhung gvapan ze.

  Byvoqtoq laigva akang byu gi kabve?

  Dvira mai chang ri byvotoq laigva akang wo e byu gi mingzo danzo、dvira byu angvut zhang dvira byu angvut e rungwap. Byvotoq laigva akang byu gi laigva gva hi e byvotoq laigva akang byu eq coqzui coqwun e byvotoq laigva akang byu gvut ge gam le. Laigva gva hi e byvotoq laigva akang byu gi laigva gvapan e mingzo eq dvira tungzam mai misat dvo qo chang lui gvatoq su e dvira byu angvut zhang dvira byu angvut e rungwap ri ga le; Coqzui coqwun e byvotoq laigva akang gi gapcoq、bo gvutnvang、gambyi mu e dvira mai ge gvut e dong byvotoq laigva akang igvun ze akang wo e mingzo、dvira byu angvut zhang dvira byu angvut e rungwap ri ga le. Laigva gva hi e byvotoq laigva akang byu gi banshoq e byvotoq laigva akang byu gung akang eq igvun ze akang wo le; Coqzui coqwun e byvotoq laigva akang byu gi byvotoq laigva akang ma e igvun ze akang za wo le, byvotoq laigva akang ma e byu gung akang gi hung ge nyi ra e wo za bo le.

  Byvotoq laigva akang midung ako zhvum gi kabve bo le?

  (1)Daitoq ra akang, gvapan ze mingzo danzo ri gebyvo age byvoshit e ako zhvum bo le;

  (2)Mying gva akang, gvatoq su gi hai byu ngvut e sai dai qang shit, gvapan ze ma mying gva ra e ako zhvum bo le;

  (3)Saisai akang, saisai angvut zhang gayuq eq bo saisai nvang mu gvapan ze saisai ra ako zhvum bo le;

  (4)Gvapan ze lago hung ge ra akang, gvapan ze ri alvoq cheq alvoq nyvung、asai nyvok ra e ako zhvum bo le;

  (5)Fuqzhiq akang, yin、fuqyin、mvak、tezhvup、alvo zhvup、lvikluq、lvikdem mu e yung mai gvapan ze ri lafun angvut zhang gimyvo fun gvut ra e ako zhvum bo le;

  (6)Fa byvo akang, ung angvut zhang gambyi dong mai mingzo danzo ri gvapan ze ma e yenjen angvut zhang fuqzhiq gu e gambyi ra e ako zhvum bo le;

  (7)Boichung akang, gabang lvu ge byam bochung e datshin gvapan ze eq datshin dong yungyu lui gvapan toq lo e gvapan ze、jisonji ronjen ma e ako zhvum bo le, jisonji ronjen age boichung ga gva dvo e mai lailui;

  (8)Dvam byvaq akang,ming ri ra byvoshit e alvo soi gvapan ze、datbung gvapan ze yenjen angvut zhang fuqzhiq gu e ako zhvum bo le;

  (9)Byvaqshit akang, ming ri ra byvaqshit e gvapan ze, adong dong ming ri rashit mu byvo de e gvapan ze ma e byvaqshit e ako zhvum bo le;

  (10)Gvatshit akang, gvatshit zhak、hondenzhak mu e zhimu ze bve mai alvo、datbung、datshin、datwup bve gvapan ze lvoqtoq shit ra e ako zhvum bo le.

  (11)Tebyvo akang, wuxen dong mai tebyvo angvut zhang gvapan ze mai byvoshit, yuxen byvoshit angvut zhang lvik byvoshit e dong mai mingzo danzo ri byvoshit, te lvoq gvo zhak angvut zhang gazhung byvode gvumlva、te、byulvo bve mai byvoshit ra e ako zhvum bo le;

  (12)Qanglu wangloq byvoshit akang, yuxen angvut zhang wuxen dong mai mingzo danzo ri gvapan ze tuk byi, mingzo danzo ri yvumsing ra e aqing zhiwo mai gvapan ze myang yu nvang ra e ako zhvum bo le;

  (13)Datshin sairvang akang, datshin angvut zhang datshin dong dut gu e gvapan ze zhoqging dvo nvang ra e ako zhvum bo le;

  (14)Sai lazhang akang, gvapan ze ri liklai yu mu, ga diqa dut e gvapan ze asik dum saisai ra e ako zhvum bo le;

  (15)Mying puq akang, gvapan ze la- zhung mying laigva mai gazhung mying lai- gva gvut lvik yu ra e ako zhvum bo le;

  (16)Qomzving dvo laigva akang, gvapan ze angvut zhang gvapan ze ladvum latung ri qin gvazving yu mu, gvapan ze sik gvut ra e ako zhvum bo le;

  (17)Byvotoq laigva akang byu gazhung ako zhvum bo le.

  (Puqsu Mulat)