WUNPONG文蚌

2016 ning 《Wunpong》lado 2

时间:2016-08-09 21:04:27 来源:《Wunpong》

   

    

   ( Ngai go Marip Kumja gashu Mawoi Hpyaumya matu Magui No Ja rai nngai. Dailup daihpang ga go Yinkyang Shadan krung Wuhpai mare re. Sak 17 ning hta《Wunpong》ko laika katun lo ai mi ka bang ai ko nna, daini du hkra 《Wunpong》hte《Myithkrum shi laika》ko ga shagop, sumrai, kum yai re laika ngau 200 hkot ka bang lai wa sai. Ga shagop go krowang shada shachyen hkat ai mahkrai re majo, matut manoi no ka shakut nga nngai.

    Ga shagop nkau mi go Miwa laika hku nna shinggyim buk amyu myu ko lata shalom hkrup sai. Mungdo gaba Miwa hkumhpa laika hta shapro ai mung nga lai wa sai. Grau nna go 2000 ning lado 2 na《Wunpong》hta 《Jan ninghprang》ngu ai mying shamying nna madu a ga shagop laksan buk shapro ya ai hku n-gun jo la ai sara ni hpe nachying ndang tsun hkra chyeju dum nngai.)

 

  MASHA A PRAT

    Magui No Ja

 

Masha a part go

Numshoi lo la ai hkrun lam hta

Madu a wa sa na lata ai ten

Nang du na htingnu hta

Makum chyinghka lo la ai

Shingdang azo song nga ai

Gapum lahka zosi de sha lu hpo

Salat zosi hte sha mai hpong

Hkying ten go na a hkom sa lakmat

Hkom sa lakmat go na a sak prat

Arong laing ko hkum lup nga

Daina na tu san shata jan

Hpotna na ningsin hpe n lu nan ya ai

Gade gumhkong ai labau timung

Dahpran sha re

Hpotni na maka go

Nang nan daini da-shan ko

Da bang ra ai

  《Wunpong》hkumhpa laika go 1981 ning shata 8 pro 1 ya shani shalat hpang ai re. Laika shapro lakmat nambat 53-1028/I, shi go ya yang Miwa mung hta Jinghpo ni a tara shang ai hkumhpa hparat laika buk langai rai to nga ai, laning mi mali lang shapro nna, lado mi hta galang lang shapro ga ai, daining du yang 133 lang shapro lai wa sai.

 《Wunpong》hkumhpa laika buk hta: Sumrai, ga shagop, kum yai, mabyin masa, htunghking ningli, labau lara, maumui mausa, machye machyang, shiga, sumla, datbung re laika ngau ni bang ga ai

 

  Laika ngau shagun jo hkringdat: 784655328@qq.com

  Hkringdat: Sakhkung mungdo Mangshi Yungham gat lam 14-41,   

          《Wunpong》ka shinggyin hpung

  Chyenan: 0692-2121820

  Mu madu:Hpaudo Bok Tong

  Zazek nambai:678400

地址:芒市勇罕街14-41号

      德宏州文联《文蚌》编辑部