Jinghpo hpaji景颇文化

Hpaji Janmau Lu Hkra

学习文化是我们这一代人的重任

时间:2020-07-22 15:52:18 来源:德宏团结报

  Hpaji Janmau Lu Hkra

  Maran Gumja

  Lai mat wa sai prat ni hta,

  Chyurum Wunpong Jinghpo ma,

  Nga shara nighton buga,

  Ginru ginsa hta nak nna,

  Hpaji laika n lu la.

  Jaiwa dumsa mi pra,

  Maisau laika hta n lu ka da.

  N-gup aga hte sha tsun hton hkrat wa,

  Myit kro bonu ko sha mating ton da.

  Wunpong sha ni a kunghpan laili laika,

  Ji nat hpe hkrai htom sa kau ya.

  Jo jau ji nat sha mung n rum,

  Tsun shaga aga lani hte lani n hkrum.

  Mateng daini du mat wa hkra,

  Lakying lashan amyu myu nga shamying mat wa.

  Byin mat sai lam mahkra,

  Gadai hpe chyu n mai shara.

  Madu myu a laili laika,

  N lu ai majo she ngu saga!

  Ya daini na prat,

  Moi na prat hta shai la mat,

  Myu hte myu mungdan hte mungdan shingjong hkat.

  Madu myu a laika sha n-ga,

  Gaga myu a laika pyi no sharin la ra,

  Byin sa maka nachying gaja,

  Ndai zon re a ten gaja hta,

  Wunpong myu sha ni ma hkra,

  Madu myu hpe tsora.

  Madu aga laika hpe hkungga,

  Nang ngai a ngu n ginghka.

  Aga madung langai ton,

  Lakung shagu numhtan shabon.

  Shawang amyit rau rum,

  Sat sa lahkam rau hkrum.

  Madu myu a laika hpe madung dat,

  Gaga hpu shong ni a laika mung sharin jat.

  Myu a matu akyu pru,

  Prat dep lahkam hkan dep lu hkra ngu,

  Ruyak jamjau hpe htok manga,

  Hpaji janmau lu la hkra shakut ga!