Jinghpo hpaji景颇文化

101 SHARE NINGHKRING MAHO LA TSAI

101景颇突击队

时间:2020-02-21 10:32:53 来源:德宏团结报

  Ka ai: Hpan Ja (Sumrai)

Lahpai Hkun Nong shi hpe san ai: “Aga! Shanhte si mat sai, ya ganing di sana re ta?”

  “Shanhte n chye si ai, hpa n tsang ra ai.” ngu ngai Lahpai Hkun Nong hpe myit shazim ya let, kawa laman mi do la nna, ngai Ganangata kon hkyem gun ai tsi hkyep htu shingyun la, nta madu jan ko no hpu wan seng mi hpyi la rai, tsi hte no hpu ga- yau la n htom, nshi hte shanhte a n-gup hpe langai hte langai mala hpo nna tsi ru bang ya n htom, du atsom sha mayut ya, marai mi hpe tsi tinghkyon hkyon ru jo dat sai. Tsi jo dat ai hpang, shanhte kan machyi da gun wa mara ai, hkring n rai yang go akan se se, madon hpre hpre rai masai. Kan mase hkyi ru ru ai ji magu rai jang, manam n hkam ai ni yong hprong pru mat wa masai. Ngai hkrai sha shanhte hpe sin nga let, shanhte madon, mase ton ai maza hpe ntsin nhtung na hka she ma mat hkra ru gashin kau ngut nna, shanhte hpe labu palong bai galai kau sha- ngun rai, nta madu jan hpe tongban ai, ga ning n chye di sai, hpot de mare na ramma ni hpe dat nna hka no ja shangun na re ngu jang, nta madu jan atsang arang hte hpa n ra ai, hka go bai ja la na re, masha mai jang rai sai nga ai.” Maho La Tsai dai ten na manang la ni madon nhpat, kan mase sharu ton ai maza manam ai bat shi hpang de bai mong bun kun ngu na zon, galang ta n-gup sha- chyip kau nna gatsi dung mat sai.

  Shaloi ngai mung nsen rim jak na wan shat htum n htum gan yu, daraiba Nhkum Gam yan sara Lama Gam hpe shalang ai ta gyenan hte kremra na wanshat htum n htum gan yu ya di ni ai. Shinggan gan pru la re hpang e bai matut tsun bang wa saga ai.

  Hpang jahpot nhtoi pyi rai nhtoi yang, nta madu jan gasha ni hpe shangun nna mare na ramma ni hpe so la rai, hka sa ja shangun dat nu ai. Shanhte hka ja sa ai grai na hkra n wa nna, ngai masin gahpra wa sai, ngai mau let nta madu jan hpe hka ja sa ai ni ya du hkra n wa ai, lam de n hpa mang- hkang mi byin sa, hkan sa yu ra nhten ngu jang, shi tsun ai, hka lu lam grai tsan ai, ya loihkring du wa na mara ai, hpa n tsang ra ai nga jang she, chyinghka lam de sha mada dat dat rai nna la nga saga ai. Hkying kru pyi rai n du yang she rai mat wa sai ni wa, hkying sanit ko she pru wa mara ai, hkying hkum mi tup rai masai. Ngai shanhte hpe nde na hkra rai mat ai, hka ja shara grai tsan a ni ngu san jang, shanhte go tsan ai, gadong grai yu ai, hka ja la nna gadong lung wa yang, lam grai hkom yak ai, atsom n hkom jang akrung de chyai bang mat wa na tsang ra ai, myi n mu ai hte rai, tsam mari she lu ja wa ga ai nga nna tsun dan ma ai.

  “Nang go shanhte lawan n wa jang Japan mahkoi gatut kun ngu myit kau sai n rai yi?”

  “Chyalu sha go e, shong shana de La- hpai Zau Jun she Japan rai n du ai nga tsun tim, hpyen ngu ai go galoi mung myit ai ten ko n du ai, n myit madom ai ten hta she chye pru wa ai. Myit nga ai ten e pru wa ai go hpyen n rai sa, chye hkat masha she rai sai.” Mahkon shabrang ni hpe tsun du ai shaloi, shi a myiman nsam ningja bai garim wa sai, shi a myit shingran ni shara dai de bai gan poi du mat wa ang sai. Myit shingran re majo, gadai wa mi rai tim myit dum jang len mat wa chyalu sha rai nga ai.

  Shi bai matut hkai mat wa sai:“Ngai go chyeju gaba sai, ya nanhte grai ba sai rai tim, shat sha go no shadu jo dat marit ngu nna, mahkon shabrang marai manga kru hpe shaga la rai, nta madu jan hpe shat hpareng shadu shangun sai, shat go hkying jahku ko hkut ton ya masai. Shat sha ten hta, Du Bala myi go hkrok hkrok rai ngai hpe, La Tsai, dahpot mung shat lo wa n mai sha kun? Nga san ai, ngai pyi matsan grai yu dum kau, he he. Ngai shi hpe hpa n tsang ra sai, dahpot go myit dik hkra sha la ga ngu ni ai.

  “Shi go mana na shingran mu nna pyi n sha gui ang sadong?” Ngai ga do bai do dat ni ai. Shi hpe ga do n do yang, nau tsun galu nna, jahkro hkun si wa nu ai.

  (Bai matut hti ga)