Jinghpo hpaji景颇文化

Mung masa bongban rapdo salang ni shawa do-tsa a myit mada lam hparan ya na matu du sa wa mara ai

政协委员怀揣民意赴盛会

时间:2020-01-20 10:27:03 来源:德宏团结报

  Madu dap shiga (Shika masha Chau Rung Yang Go Hpyin) Shawa do-tsa a myit mada lam hte myit lu lam ni hparan ya na matu, shata 1 pro 6 ya jahpot, mung masa bongban rapdo Sakhkung mungdo ningdo 12 salang rapdo hpong nambat 3 lang zuphpong sa lom ai salang ni go matut manoi rai du sa wa mara ai.Matut nna aten 4 ya laman hta, mungdo shara magup de nna du sa ai mung masa bongban salang ni go madu a alit hpe kangka galo shatup nhtom, Sakhkung na ja sutgan hpong shingra sharot zinghka la na hta gaja ai zai nyan hte myit lu lam ni shon tsun bongban hkrat wa na hku rai nga ai.

  Jahpot hkying 8 manit 30 hta, Mangshi Manam dap na salang ni jahpan sa bang ai shara hta, sengang laika ngau rai ni ton da gajang nna, mu htam masha ni go du sa wa ai salang ni hpang de zuphpong hte seng ai lam ni si mani rai hkap tsun dan ma ai.

  “Nang daining shon laika nhpa la sa wa ai rai?”“Nang daining gara maga de na manghkang hpe grau majung jung ai rai?” “Nang maning sa ap ai shon laika hpe yi galo shatup ya masai rai?”Nga nna shika masha ni salang ni hpang hkap san gajang ma ai.

  Salang Ho Shu Fang shika masha ni hpe tsun dan ai, anhte mungdo na ahkrang n mu hparat nsi ni makop maga hkrat wa ai magam hta ra rong nga ai ruyak lam hte manghkang ni ko hkan nna, shi go Sakhkung mungdo ahkrang n mu hparat makop maga na mu ko n-gun dat hkrat wa na shon laika ka sa wa nga u ai, dai hta lai nna, anhte mungdo shawa manam modo hkap jon shara gogap lam no hpang hkrat nga ai hte seng nna, shi go Mangshi manam modo hkap jon shara gogap jat na hte seng ai shon laika mung no ka sa wa nga u ai.

  “Zuphpong gaba galang bai wa lu lom ai majo ngai grai gabu nngai, daining mung htingwan makop ai hte seng ai manghkang dingyang no myit majung jung nna,shon laika hta hpyi shon dat ai lam ni hpe lawan galo shabyin nhtom, tsom htap ai Sakhkung go maden la lu na hpe myit mada ga ai ”Nga nna salang Han Yin tsun ai.

  Matut nna ningdo lahkong lang mung masa bongban salang tai lu ai Shau Wui Hung go, daining mung myit grai lom nga u ai, shi tsun ai, dum nta gogap ja gumhpro ma- hkong ginju ni shawa masha ni a akyu ara htam ya ai hta, lawan ladan, gaja ai hku nna shawa masha ni a ruyak lam hparan ya lu na ama hkam ya na hte seng ai shon laika ka bang sai nga u ai.

  Chye lu yang, pro 6 ya shana de hkying 2 manit 30 du yang, salang marai 261 ni mying sa bang masai.