Jinghpo hpaji景颇文化

N-gai Dingla Wai Jan Shata Shang Ai Shani Bo Sharot Ai Dumsa Ga

老人去世懂撒词

时间:2019-08-23 16:17:03 来源:德宏团结报

  (Shata 8 nhtoi 21 ya na do)

  Gashu gasha ni ye

  Wunji ahku wun wa yu

  Ningkran ahku wun wa mu wun

  Ngaishu ni ye

  Ngai sha ni ye

  Nji Mari Nang

  Tsummun Lungbyen gawan

  Dunghkun Lungbyen sa gatsan

  Sanit ya ninghtoi du wun bai wa ringngai nga

  Wo

  Gashu gasha ni go

  Ya yi

  Nji Mari Nang dingla go

  Aji ye rai mat sai

  Anat ye tai mat sai

  Kaju jai nbang ban nai

  Kindu nang lakan kai mat dai

  Nji Mari Nang dingla go

  Aji aman man

  Anat gahtan htan mat sai nga en

  Gashu gasha ni

  Nji Mari Nang dingla e

  Adap dap gru gat gama

  Shikroi hpungtsin gat gamya

  Gashu gasha ni go

  Nji Mari Nang nga

  Latsen du-u do

  Wumung hpa jom ganyi

  Jahku bau man hpo

  Laisi gabung dum n kri

  Gashu gasha ni

  Mari Nang dingla ya

  Summu du-u bai do

  Wumung hpa jom bai kri

  Langai bauju bau man hpo

  Laisi gabung dum yang kri

  Gashu gasha ni go

  Mari Nang dingla e

  Kajin nga mi jahpu

  Jinna nga mi sharut din

  Asi ninghpang ngu wun kau wai da

  Gaang aga dai rain ring

  Kumdai wa yang ga dai rain chying ngai da

  Gaang aga ring

  Shingra gumdung chying nga yang

  Sinna Ala ngu ai mi

  Tingsa majan ngu ai mi pra ai da

  Sinna La hte Tingsa Majan go

  Awang lung lupdang grung

  Mada wunmong nu

  Ninghtan magam htu

  Nhprong nhkyeng lu

  Baigum bainyeng

  Wu (U) dung wa dung

  Mabu ginshang

  Sumpu sumhtang agan su

  Wuhku wula ginsu ginsang

  Siyang dumsu asut su wun nga wa

  Yu maya zadung ganon

  Samzet samtsang zawa gapyon nin

  Ninggut ninggan ram

  Ningja ningnan htam mun nga wa

  Shadang ninggang aye

  shayi shingwoi ahpye

  Shadang ninggang sumro

  Shiyi shingwoi sumbo

  Alat ningshong shangai

  Lapran Kying nang

  Ayut Ninggum

  Dinghkai yin pra

  Galu shingwang wang

  Gaba dahkrap shang

  Nga mai wunli la

  Galu gaba wun-gau da

  (Bai matut hnti ga)