Jinghpo hpaji景颇文化

N-gai Dingla Wai Jan Shata Shang Ai Shani Bo Sharot Ai Dumsa Ga

娶亲礼节懂撒噶

时间:2019-08-23 15:57:28 来源:德宏团结报

  (Shata 8 nhtoi 14 ya na do)

  Mji jan Ningsang hkyi mung

  Ajan sumri yan

  Shuat mahkui hpyan nin nai

  Gaang Jiri en rot nin

  Hto

  Ajan makum nyep

  Shuta ga htep

  Nji jan Ningsang

  Ya daini du mateng

  Gaang ni ye lan nai da

  Shingra ni ye hpan nai da

  Wuhku wula sut lan

  Wu (U) dung wa dung

  Si yang dumsu

  Rumboi rum hkyem

  Laring gumrang

  Mabu ginshang ja dai du hkra hpan nai

  Gaang ni

  Ya

  Daini du mateng dai rai lat wa pat wa ai da

  Gaang ga dai rai ring

  Kumdai htong wa yang dai rai chying ngai da

  Tsummun Mang Gabang Ninggong Dunghkun mang nge

  Ningji Ninghkai ya

  Sana labau ya du wa sai

  Ningnu Ningwa ya

  Tingsa labau

  Ya pru wa sai

  Sana labau gon

  Tingsa labau yon

  Matut apot ninghpang gon grup wa sai

  Tsummun na atsom lara sit

  Dinghkun na madat lasha sai

  Amoi Gaang aga ring

  Kumdai wa yang chying

  Gaang ni lat

  Kumdai wa yang pat nga yang

  Mari nang dingla ngu ai nga

  Gashu gasha ni

  Nji Mari Nang dingla

  Nang si jang nge

  Anhte ningshu ningsha ni

  Ning di yin ruk rak

  Ning di yin buk bak na ngu wun

  Madong ngin nai shadut

  Dingshan lang ngin shakrot

  Buk bak ngin me shadut

  Ruk rak ngin shakrot wa yang

  Nji mari nang go

  Hka reng

  Ngaishu ngaisha ni ye ya

  Nji Mari Nang dingla go

  Nanhteng nga

  Shingmyet (Shamyet) hpunnu rai yin no nga

  Shu-wung lungpu

  Akun ganu

  Dinghku adu tai yin no nga

  Ninggut nigngam ram

  Ningja ningnan htam mun no nga yang me

  Nji ye

  Hpunpu numnong ngin me shadut

  Wa pu ningjong ngin me shakrot wa yang

  Ya Nji wo

  Tsummun Lungbyen no guwan

  Dunghkun Lungbyen no gastan yu ga nga

  Nji Mari nang dingla

  Sanit ya ninghtoi bai lai du na nngai

  Nji mari nang dingla

  Tsummun lungbyen gawan mat wa

  Dunghkun Lungbyen gastan mat wa yang

  Sanit ya ninghtoi bai lai du wun

  Nji Mari Nang go

  Kindu nang lakan kai en lai du wa

  Gaju jai nbang ban en bai wa

  (Bai matut hti ga)