Jinghpo hpaji景颇文化

N-gai dingla Wai jang Shata shang ai shani Bo sharot ai Dumsa ga

老人去世送魂仪式

时间:2019-07-16 16:41:55 来源:德宏团结报

  (Shata 7 nhtoi 12 na do)

  Apu shing yang pu

  Asi gung yau si

  Gaan g aga tup

  Prang nyap layang sup rai en

  Tu kungdam zinghka wa nga yang

  Tu jin nin ninggong

  Ru jin nin song

  Jahtum sau yau sa

  Shala hpungtun pa

  Ningshin nin reng du sharot

  Shalung shala galai ningnong ngoi

  Shalung shala wusa mung Aru ron nin ru wa

  Aban hkron nin tu wa

  Hpunmyi hpunrong

  Hpunman maku gungli hpo gabong

  Apu pu asi gung yau si yin

  Prang nyap layang tup

  Kumdai htong wa yang sup

  Tu kungdam zinghka wa sai

  Apu shing yang pu

  Asi gung yau si

  Tu jin nin ninggong wa

  Ru jin nin song wa

  Tu jin nin nyip wa

  Ru jin nin sip wa yang

  Jahtum sau yau sa

  Shala hpungtun pa

  Mungshin nin reng du sharot

  Ninghta en tseng abong shakrot

  Galai ningnong ngoi rai sai

  Galai ningnong aru ron nin ru

  Aban hkron nin tu

  Hpunmyi hpunrong

  Hpunman maku gungli hpo gabong ngin tu wa

  Machyang hpring alap chying ngin go

  Gaang aga hta tup

  Prang nyap layang hta sup

  Tu kugndam zinghka wa sai

  Gaang aga dai rain ring ngai da

  Prang nyep layang dai rain chying ngai da

  Tsummun Mang Gabang Ninggong Dung- hkun Mang nge

  Ningji ninghkai ningnu ning wa ya

  Sana labau gon matut

  Tingsabau gon gamut

  Lamun maumui gon

  Latsa ginjo yan yu wa sai

  Tsummun na lara ding yang

  Dunghkun na madat lasha ding yang di

  Ji manang hkringwa e

  Tsummun na lara sai

  Ngji Nhkai Angnu Awa sana labau yon

  Tingsa labau gon ding yang di wu

  Amoi Gaang ni ring

  Shingra Kumdung ni chying

  Gaang ni lat Shingra Kumdung ni pat nga yang

  Wa nang lado n dum

  Ninghtoi lagam n chyeng

  Sin yang go sin nai yang

  Htoi yang htoi yai hprang

  Sinpro numga de en

  Nji Jan ningsang pru wa sai

  (Num shani: Nhkai Jan Ningsang)

  Sinna numga de e

  Sinna shagong shang

  Bumlang shagong bang

  Ninghkong ajan du

  Bumlang shagong bu yang

  Gaang ni Nji Jan ningsang si sai nga en

  (Num shani: Nhkai Jan Ningsang si sai nga en)

  Gaang ama yan ne

  Hto Nji ye

  (Num shani: Nhkai Jan Ningsang nge)

  Nji Jan Ningsang si sai

  (Nhkai Jan Ningsang si sai)

  Nji Jan Ningsang nge

  (Ngai jan Ningsang nge)

  Ajan lahpu lung pa

  Shata bunghko lung sa masit nga

  (Bai matut hti ga)