Jinghpo hpaji景颇文化

MYU A SAI LAM

民族血脉

时间:2019-07-16 16:39:49 来源:德宏团结报

  Myu a sai lam ngai jongma

  Mungkan hpaji shakut nga

  Jong gaji na dak kasu

  Ngai shakut ai myit asu

  Hpaji madang ngai shachyut

  Gumhpro majo myit n gut

  Yakhkak lam ni nye n-gun

  Shakut shaja ten gadun

  Hpot ni na ten hpaji kung

  Myu sha lam woi lahkam lung

  Shong lam hpe ngai son sumru

  Jiwa prat hpe shingran mu

  Du do sai hko grai ap nong

  Rot jat bong lam sharong

  Laika n chye ai hparan dan

  Myu tso mung tso myit grai ngang

  Wunpong sari shadan dan

  Nang ngai anhte a tsom hkan

  Myu a sai lam san seng hkra

  Nang hpam lu sha koi gam ra

  Myu sha woi na magam lo

  Myu sha htunghking jom dagro

  Hpaji masa prat dep hkra

  Myu a sai lam woi on ra

  Htunghking makam nhtoi mu

  Myu a sai lam n-gun lu

  Shakut shaja shong lam hta

  Ningbo ningla lit magra

  Shakut nga na prat htum hkra

  Numdo numdan n tsang ra

  Ga sadi majoi n jo

  Dung ai U majoi n hto

  Sai lam ahkyak yong jom myit

  Hprai kau n mai labau lut