Jinghpo hpaji景颇文化

N-gai Dingla Wai Jan Shata Shang Ai Shani Bo Sharot Ai Dumsa Ga

老人去世送魂仪式

时间:2019-07-16 16:38:59 来源:德宏团结报

  (Shata 7 pro 10 na do)

  Hpunsi shakrau

  Latsen jirit ni mung

  Aru ron nin bai ru wa

  Aban hkron nin bai tu wa

  Machyang hpring alap chying

  Apu shing yang pu

  Asi gung yau si

  Gaang aga tup

  Prang nyap layang sup rain

  Tu kungdam zinghka nga yang

  Tu jin nin ninggong

  Rujin nin song

  Tu jin nin nyip

  Ru jin nin sip wa yang

  Jahtum sau yau sa

  Shala hpungtun pa

  Ningshin nin reng du sharot

  Ninghta en tseng bong shakrot yang

  Lating numrong

  Lagum lamai galai ningnong ngoi

  Lating numrong

  Lagum lamai mung ngai

  Aru ron nin bai ru wa

  Aban hkron nin bai tu

  Hpunmyi hpun rong

  Hpunman maku gungli hpo gabong

  Machyang hpring alap chying ngin

  Apu shing yang pu

  Asi gung yau si

  Gaang aga tup

  Prang nyap layang sup rai en

  Tu kungdam zinghka nga yang

  Tu jin nin ninggong ru jin nin song

  Tu jin nin nyip

  Ru jin nin sip wa yang

  Jahtum sau yau sa

  Shala hpungtun pa

  Ningshin reng du sharot

  Ninghta en tseng abong shakrot yang

  Lahkru laja galai ningnong ngoi

  Lahkui laleng galai ningnong chyoi

  Lahkui laleng lahkru laja wusa hteng

  Aru ron nin ru wa

  Aban hkron nin tu wa

  Hpunmyi hpunrong ru wa

  Hpunman maku hpo gabong ngin tu wa yang

  Machyang hpring alap chying

  Apu pu asi gung yau si yin tu wa

  Tu jin nin ninggong wa

  Ru jin nin song wa

  Tu jin nin nyip

  Ru jin nin sip wa yang

  Labyi larang galai ningnong ngoi

  Laron masa ninggong chyoi

  Labyi larang laron masa wusa hteng

  Aru ron nin ru wa

  Aban hkron nin tu wa

  Hpunmyi hpun rong

  Hpunman maku gungli hpo gabong ngin tu wa

  Machyang hpring alap chying ngin ru

  Apu pu asi gung yau si yin nai

  Gaang aga tup

  Prang nyap layang sup rai

  Tu kungdam zinghka nga yang

  Tu jin nin nyip wa

  Ru jin nin sip

  Tu jin nin ninggong

  Ru jin song

  Jahtum sau yau sa

  Shala hpungtun pa

  Ningshin reng adu sharot

  Ninghta tseng bong shakrot yang

  Wo

  Gatzi gatrai galai ningnong ngoi

  Hpunggan noitung chyoi

  Gatzi gatrai hpunggan noitung wusa hteng

  Aru ron nin ru wa

  Aban hkron nin tu wa

  Hpunmyi hpunrong

  Hpunman maku gungli hpo gabong ngin tu wun nai

  Machyang hpring alap chying wa

  (Bai matut hti ga)