Jinghpo hpaji景颇文化

N-gai Dingla Wai Jan Shata Shang Ai Shani Bo Sharot Ai Dumsa Ga

老人去世时送魂的董萨话

时间:2019-07-16 16:34:41 来源:德宏团结报

  (Shata 7 pro 5 ya na do)

  Amoi Gaang Aga

  Ahkai wusa ngu ai nga

  Kumdai wa yang dai rain chying nga yang

  Tsingdu tsingman wusa ngu wai

  Aru ron nin ru wa

  Aban hkron nin tu wa

  Hpunmyi hpunrong

  Hpunman maku gungli hpo gabong ngin

  Machyang hpring alap chying

  Apu shing yang pu

  Asi gung yau si

  Gaang Aga tup

  Prang nyap layang sup rain

  Tu Kungdam zinghka nga ta sai da

  Tsingdu tsingman wusa

  Tu nga ninglen ne me nyip wa

  Ru jin nin sip wa

  Tu jin nin ninggong

  Ru jin nin song wa

  Ginding aga majat rai

  Kahkun numba ashat tai

  Shalung hpungtun sa

  Shala sau yau pa

  Mung shin nin reng

  Ninghta en tseng

  Du sharot bong shakrot

  Tsadu tsahkya galai ningnong ngoi rai sai

  Tsadu tsahkya wusa mung

  Aru ron nin bai ru wa

  Aban hkron nin bai tu wa

  Hpunmyi hpunrong ngin ru

  Hpunman maku gungli hpo gabong ngin

  Machyang hpring alap chying ngin

  Apu shing yang pu

  Asi gung yau si yin nai

  Pyang nyap layang hta tup

  Kumdai htong wa yang hta sup rai

  Tu kungdam zinghka nga yang

  Tsadu tsahkya wusa mung

  Rujin nin ninggong

  Tu jin nin song wa

  Ru jin nin nyip

  Tu jin nin sip wa yang

  Jahtum sau yau sa

  Shala hpungtun pa

  Mungshin nin reng

  Ninghta en tseng

  Adu sharot abong shakrot yang

  Namhtu namda galai ningnong ngoi

  Namhtu namda wusa mung

  Aru ron nin bai ru wa

  Aban hkron nin bai tu wa

  Hpun myi hpun rong

  Hpunman maku gungli hpo gabong ngin

  Machyang hpring alap chying ngin

  Apu shing yang pu

  Asi gung yau si yin nai

  Prang nyap layang tup

  Kumdai htong wa yang hta sup rai

  Tu kungdam zinghka nga yang

  Tsadu tsahkya wusa mung

  Ru jin nin ninggong

  Tu jin nin song wa

  Ru jin nin nyip

  Tu jin nin sip wa yang

  Jahtum sau yau sa

  Shala hpungtun pa

  Mungshin nin reng

  Ninghta en tseng

  Adu sharot abong shakrot yang

  Hkumpyi hpunrong

  Hpunman maku gungli hpo gabong

  Wumung wumai

  Manon sumpra

  Galai ningnong hteng chyoi

  Namhtu namda

  Wumung wumai

  Manon sumpra hteng

  Tu jin nin ninggong

  Ru jin nin song wa

  Tu jin nin nyip

  Ru jin nin sip wa yang

  Jahtum sau yau sa

  Shala hpungtun pa

  Mungshin nin reng

  Ninghta en tseng

  Adu sharot

  Abong shakrot yang

  Latsen jiri

  Hpunsi shakrau galai ningnong ngoi rai sai

  (Bai matut hti ga)