Jinghpo hpaji景颇文化

GASA MARO JO AI DUMSA GA

懂撒祭祀词

时间:2019-01-08 16:42:45 来源:德宏团结报

  Wo

  Aru hpai sau wat marong

  Ningmun gasa sat ninghkong

  Aru hpai sau marong gatu hkring yu ngat

  Ningmun gasa sat rumdung e ngat

  Aru hpaisau ningmong e hkringdat

  Aru hpaisau ningmong e rong

  Nungmun gasa sat rumdung e htong

  Aru hpaisau marong

  Ningmun gasa sat dinghkong

  Ganam shinggyim hkrai shalu

  Dinghkun mayu hkrai shatu rong ngai

  Mayu mali ga hkrai sharum rong ai

  Dimi da ma

  Janghtung jangta ga hkrai jahkrum rong ngai

  Aru hpaisau marong hkring yu ding yang

  Ningmun gasa gajai dinghkong

  Hkringdat rumta dumpyang

  Hkinchyi mado sa lung kumbang jkahpan sa dung

  Hkringwa ga lashing nyit lara

  Dumsa ga lahkun htit madat lasha sai

  Aru hpai sau gajai marong

  Hkring yu yup hpa nga en me non

  Ningmun gasa munrai dunghkong

  Hkringdat grup hpron nai ya su sana

  Aru hpaisau marong lashing nyit lara

  Nummun gasa gajai dunghkong

  Lahkun htit amyi madat lasha sai

  Aru hpaisau gajai marong e

  Ningmun gasa marai dunghkong

  Hkinchyi mado wom mu

  Kumbang jahpan amyi tsom

  Aru hpaisau marong

  Ningmun gasa sat gajai dinghkong

  Hkinchyi wundo kumbang jahpan

  Moi jan ningsang lan

  Gadan jinghkang tu

  Saugon myihtoi hpan

  Gadan jinghkang ru

  Yin-yang maron tu

  Hkra hkring ngu gadoi

  Apot ninghpang gachyan

  Hkinchyi mado en ngang

  Kumbang jahpan kang

  Hkinchyi mado e lat

  Kumbang jahpan pat

  Hkringwa lali

  Aru hpaisau gajai marong

  Hkinchyi mado gaman hkringwa kun

  Ningmun gasa gajai marong

  Kumbang jahpan gaman gadai dumsa na

  Hkringwa muwo myit

  Dumsa ninggau mahpo hkrit

  Shagu n lu mahkoi hkringwa

  Hkungga tse su ai

  Shani u yo lanu

  Shana u hpran lahku

  Ningdung manu u li shigu

  U hkrung wundo wom mu

  U mai u sa tsom sai

  Hkringwa u hkrung wundo lau let

  U mai u sa ya kyet ya sana

  U hkrung wundo awom hkum gare

  U mai u sa tsom n gashe

  Shidong wunli lup ya kyet ya na

  Aru hpaisau gajai marong

  U byin mazing la

  Nuingmun gasa marai dunghkong

  U yom shading hkap ningda nga sai

  U hkrung wundo wom shalat

  U mai u sa tsom shapat ya nga masai ya

  U hkrung wundo tanta mazing

  U mai u sa u shong shan ya shading sangai

  U hpu hpung u goi krung

  Ajan ginding goi du

  Shata ginwang goi pru

  Ajan ginding goi dap

  Shata ga ghhoi hkap

  Aja jo ban pu

  Ningnung gumhtu aja singkoi gaye

  U dung manu u li shagu

  Aru hpaisau gajai marong jo hkritung du

  Ningmun gasa munrai dinghkong ya

  Hkriwang hkru na n san nai

  Jo ngau don ya ngau dat shang

  Aru hpaisau gajai hkoi n san ai

  Ningmun gasa sat gajai hkoi n san nai

  U hkrung wundo wom shalat

  U mai u sa tsom

  (Bai matut hti ga)