Jinghpo hpaji景颇文化

GASA MARO JO AI DUMSA GA

懂撒祭祀词

时间:2019-01-08 16:39:21 来源:德宏团结报

  (Shata 1 pro 4 ya na do)

  U soi lat

  U sa pat

  U soi ngang u sa kang

  Mali Ninggong

  Aru hpau sau ningmun gasa ya

  Mayu mali hte

  Dimi da-ma lapran e gajai ai

  Gajai ga n rip na sai

  Munrai ga n dip na sai

  Dimi da-ma gajai n ra

  Mayu mali pungsan hka hku ni

  Shakon kungdon ga mung n hkra

  Janghtung jangta e gajai n ra

  Gahtong ningchyong abu aga munrai n hkra

  Gumgai dingla gajai n ra

  Laijum laika hkringwa dumsa

  Hkinjong bunghkon

  Wugut wunat wumyin wuba ni gajai ga n rip

  Shakon na-li ga mi n dip na masai

  Mahkon shabrang gajai n ra

  Mu mamu chye machyeng

  Amyu bosang Maran ningshang e gajai

  Yong Hkum Yong Deng

  Marip lama e marai n hkra

  Yong Hkum Yong Deng nge gajai n ra

  Agyen La Sang Magong Layang e marai n hkra

  Maran gashu gajai n ra

  Maru Tangbau matu ni shakon kungdon ga n hkra

  Sha-i go-i angoi ashoi

  Ru ning-ro ga n-dip na sai

  Mayu mali ni e

  Sharung aja tau ya

  Shakau hpaga hkrau ya gajai n ra na sai

  Ningnam shayi muwai gajai n ra

  Manu hkinchyi e sa ningtai ga n hkra na sai

  Mayu mali dimi da-ma

  Shi ning hkun ning

  Mali hkraigung nga gajai n ra

  Latsa lamun ning

  Mayu da-ma lapran

  Ningmai hkraigung kang

  Shakon kungdon ga n rip

  Shihpu shilat ninggon ahpu dat

  Gajai n ra na sai

  Mali Ninggong

  Aru Hpaisau ningmun gasa e

  Ru ningro ga n ra

  Shatan shawan

  Sha-i go-i

  Angoi ashoi ga n ra

  Sinpro sinna dingdung dingda ga n hkra

  Ningnam shayi ye hkri on sa sa ai hteng

  Shakon ga n rip na sai

  Manu hkinchyi shabrang kunglung nge

  Kungdon pa pa ai hteng

  Munrai ga n dip na sai

  Hka hku asin gajai n ra

  Hka nam marong munrai n hkra

  Mayu mali dimi da ma lapran e

  Samyin hka dung wat htinghtang sa

  Munrai shakon ga pyi n rip na sai

  U soi ing u sa hpring

  U soi lat u sa pat

  U soi ngang u sa kang na sai

  Mayu mali ga shangui gajai n ra na sai

  Janghtung jangta e sa gasui ga n rip na sai

  Ningnam shayi ye sa shangui

  Manu hkinchyi ye gasui n rip na sai

  Mahkang sungkung sa tau gajai n ra

  Dinyeng sumpum sa hkrau maroi n hkra

  Sharung aja sa tau

  Shakau hpaga sa hkrau ga n rip na sai

  Reng

  Wa hkrung wundo wom shalat

  Aru hpai sau gajai marong

  U mai u sa tsom shapat din

  Shi dong wunli lup

  Hkringwa yusi n tsup satsup

  Dumsa matan pan yusi n grup shagrup

  Hkringwa uhkrung wundo lau let

  U mai u sa kyet

  (Bai matut hti ga)