Jinghpo hpaji景颇文化

HKUNGRAN POI MASHA NAT HKUNGGA DUMSA GA

娶亲礼节懂撒噶

时间:2018-09-17 17:11:42 来源:德宏团结报

  (Shata 9 htoi 12 ya na do)

  Magam ajang hkrau tu da

  Gumgun ahpun ne nyep

  Mahkan sainu hto e let la

  Sainu shan hto e kyet ningda ngu sai

  E ya

  Pahkap gumgun gumhpai mahkui e

  Wa hkrung wundo let hkum nyem

  Wa mai wa sa kyet hkum krem

  Pahkap gumgun hkring yu wun htang

  Mayat maya lun

  Gumja gumhpra ya gun

  Ningnam shayi manu hkinchyi

  Hkinnum machyi ji

  Ningsan htutsong hkri na lun

  Hkinnum mada htep

  Taumung raudung gayep na ya lun

  Manu hkinchyi gagu lung ninghkrun lung

  Gamoi dung tingnyang dung na ya gun

  Gumgun hkring yu wun htang

  Hto

  Gumgun ahpun sa lung

  Magam ajang mon ai ko sa dung ngin

  Wa jot ahpang let sa la

  Wa ya matan ahpang kyet hto ai ningda let

  Sharung gumsi aja kyet hto ai sa la

  Shakau hpaga kyet hto wa ningda lu

  Hkinchyi mado en rot

  Kumbang jahpan htot din nai

  Gumgun ahpun wa lung lu

  Magam ajang wa dung lu

  Sharung wa jot ahpang ngut dai hto ai wa la

  Shakau wa ya matan hpang kyet ai

  Hto e ye wa ningda

  Sharung wa hkrung lahkan hkut

  Shakau wa jot ahpang ngut wa ningda

  Sharung gumsi aja ngut

  Shakau gumno hpaga kyet hto ai ye wa ningda

  sit e...

  Ahkrung dumsa ngut sai lawu de Lahkan jo

  Wo

  Ahkop Gumgun Ahpro Zaibron Nong e

  Wunbu wa kong e

  Pahkap Gumgun

  Pahkap wa hkrung wundo let hkum nyem

  ngu ai

  Gumhpai wa mai wa sa kyet

  Hkum krem ngu ai

  Pahkap wa hkrung wundo let n nyem ai

  Gumgun hkring yu wun htang

  Myiwan zadung lun

  Na san zahkong

  Sam zet sam tsang

  N jin majan

  N kung lahkun n su ai lun

  Ningnam shayi manu hkinchyi

  Mayat maya lahkum ring

  Gumja gumhpra tingnyang chying na lun

  Shayi shingwoi sumro

  Shadang ninggang sumbo na lun nin

  Hkring yu wun htang

  Hkringdat din htang rai

  Gumgun ahpun lung shanang

  Magam ajang dung magang ngin

  Pahkap wa jo mano

  Wa jo ahpang ngut dai la

  Gumhpai wa ya jahpro

  Wa ya matan ahpang kyet ningda sai

  Sharung wa jot ahpang let la

  Shakau wa ya matan ahpang kyet ningda sai

  Sharung wa hkrung lahkan let la ngu ai

  Reng

  Gumgun Ahpun sa lung

  Magam ajang dung ngin sa ningda sai

  Ya go

  Lali hkringwa e

  Sharung wa jot ahpang hpa mazing

  Gumhpai hpun lung ngin

  Sharung wa jot hpang let la

  Shakau wa ya matan hpang kyet ningda sai

  Sharung gumsi aja let la

  Shakau gumno hpaga kyet ningda nga sai.

  (Bai matut hti ga)