Jinghpo hpaji景颇文化

TENG PANG JINGHPO LAIKA

诗歌——景颇文

时间:2018-09-11 16:27:13 来源:德宏团结报

  Goi lo e....

  Jinghpo laika a gam maka,

  Teng pang sha rai sa hka,

  Moi na jiwoi ni wa,

  Laika n lu ai nga yang,

  Han son wa galo ya ang,

  1895 ning hta sharin,

  Dai ning 123 ning hpring,

  Lai wa sai 100 jan ning laman,

  Jinghpo laika akyu mahtan,

  Wunpong sha ni hpe myi jahkrang,

  Chye la ai hpaji lahta tang,

  Dai raiWunpong sha ni,

  Gabu gara oh lo ningli,

  Jinghpo majing tai nna nga,

  Lahta tang amyu tai let pra,

  Buga go maden lam hta mung,

  Jinghpo laika lachyum sung,

  Jinghpo laika lang shingja,

  Suthpom pati shingwun pa,

  Amyu tara mai hkam gaja,

  Jinghpo laika ko lang mu nga,

  Shingrai Jinghpo laika hku,

  Labau maumui mausa pru,

  Hti hkum hpa laika shapro ya,

  Wunpong laika pru shingja,

  Myithkrum shi laika pru,

  Hkum hpa shiga nlu,

  Gabu oh lo lam tsun n ma,

  Ra rong lam tsun saga,

  Gabu shalai nna rai kun,

  Ra rong lam shi hkrai tun,

  Prat lak ndai wa du,

  Jinghpo laika teng pang pru,

  Jinghpo zuphpong re da nga,

  Jinghpo ga ga ai n na,

  Zai wa ga mung n ga,

  Maru lashi ga mung n pra,

  Jinghpo mare lo malo wa,

  Jinghpo laika n lang hkra,

  Tsayin matsing laika ka,

  Jinghpo laika n lang ya,

  Shawa masha dung hpong nta,

  Jinghpo laika n ka da,

  Myithkrum shi laika du yang,

  Shingjut mi ko mazing bang,

  Wunpong laika bai du wa,

  Shara mi ko gahtap da

  Hti yu ai lam n nga,

  La-hkri shatai let gahtap da,

  Ya prat na ramma salang,

  Jinghpo laika gadai n lang,

  Jinghpo laika ka shingdu dat,

  Htunghking labau ahpang hkrat,

  Jinghpo laika teng pang sha,

  Shara n kau sha lang nga,

  Mangshi ni lang nga ma ai,

  Hkri satan noku ni ma rai,

  Nsen sumla shi laika,

  Madu ka madu hti ai masa nga,

  Buga na mabyin masa mu mada,

  Myit hpungkun do na zon nga,

  Dum nga ninglen yong mat wa,

  Hkye la ladat mi go sho ra,

  Jinghpo hkon brang anhte ni,

  Myit yu ra sai n re ni.