Jinghpo hpaji景颇文化

HPU HKAN AI NUM NAT HPE HPU JA HKAP JO AI DUMSA GA

娶亲礼节懂撒噶

时间:2018-07-13 17:26:21 来源:德宏团结报

  (Shata 7 nhtoi 11 ya na do)

  Dai mung ngai

  Daru ritdung dang ngai ra na

  Magan numhton tsummat lang nge hkra na lu

  Daru ritdung magra

  Magam numhton tsummat masa ai lu

  Daru ritdung pru wun pru

  Magam numhton tsummat pru wun pru mut

  Le

  Hkringwa shong mungngo yom yu mut

  Dumsa shong mungngo yom pru mut

  Wun gumgun Ningsang banang tsen na

  Wun mado de gumrin mut

  Da-lang jahpan de hkrai gumhkyin mut

  Daini ninghtoi yai

  Ndai shihpu lijo shara

  Ninggon ahpu ya rumta go

  Ningsnag Banang Tsen na

  Shihpu wujot hpang lu hkritung balam mai ya

  Sha hkriwang ginshang gajam nten mata kan magra na nga ai

  Hpugun nungsu nat nyem ai kun

  Dai mung ngai

  Daru ritdung magra

  Magam numhton tsummat masa

  Duru ritdung dang ngai ra

  Magam numhton tsummat lang nge hkra na lu

  Daru ritdung pru wun pru

  Magam numhton tsummat pru wun pru

  Hkringwa shong mungngo yom yu

  Dumsa shong mungngo tom pru mut

  Le

  Ningsang banang Tsen na Wun mado de gumrin mut

  Da-alng jahpan de gumhkyin mut

  Hto

  Ganam shingyim shabrang kunglung yan ne

  Bu marong ro

  Apai bungdan bunghkong hkro ya yang nge

  Hkinchyi dohpum shalai

  Kumbang dohpum ningtai yang

  Hkinchyi dohpum shalai ningsu

  Pahkap wa jo ningnam shayi e

  Gumhpai wa ya jahpro

  Pahkap gumgun sumri sa lung

  Chyalau numbro ningngan

  Gumhkyin numran hkap ningngan

  Hka hku hka nam sin marong ningngan yang

  Numjin numlang rai

  Chyalau numbrau numsu numnon na nga ai

  Hpugun nungsu nat nyem dai mung

  Hkringwa shong mungngo yom yu

  Daru ritdung magra

  Magam numhton tsummat masa

  Daru ritdung dang ngai ra na lu

  Hkringwa shong mungngo yom yu mut

  Le

  Wun mado de gumrin

  Da lang jahpan de gumhkyin mut

  Daini ninghtoi yai

  Ganam shinggyim me hkri-on sa

  Shabrang kunglung nge mahkon pa pa ai hteng

  Mahkang sungkung ahpang lu nungsu

  Dinyeng sumpum ahpang sha nungnon na

  Hka hku hka nam sin rai na nga ai

  Ali ningchyi jan hka li

  Ana ahkra tai na nga ai hteng

  Ye

  Daru ritdung dang ngai ra

  Magam numhton tsummat lang ngai hkra

  Daru ritdung masa

  Magam numhton tsummat magra

  Hkringwa shong mungngo yom yu

  Ningsang banang tsen na wun mado de gumhkyin

  Da-lang jahpan de gumhkyin mut

  Le

  Ningsang Banang Tsen na

  Shihpu wuhkrung wundo lat wusa sat yang nge

  Ningsang Banang tsen na shihpu

  Wuhpyin arai wuhpya ashai yang nge

  Wuling shandi garot

  Nungtsun ne up ningnam me lup

  Nga ling shantau shamot

  Wuling shan di garin

  Nga ling shantau shagyin na nga ai

  Hpugun nungsu nat nyem

  Dai mung ngai ya

  Le

  Wun Gumgun Ningsang Banang Tsen na

  Mado shinggan o e tsap

  Da-lang jahpan shinggan go ai tsap mut

  Jahpo hpom jahpang hkyom

  Hpugun nungsu nat latsa hteng

  Mado shinggan o e tsap mut

  Da-lang jahpan o e tsap mut

  (Ya na lang bai matut hti ga)