Jinghpo hpaji景颇文化

GA GO TAP TAP SHAT GO NYAP NYAP

诗歌——话不能胡说

时间:2018-07-13 17:25:29 来源:德宏团结报

  Lachyum n pru n-gup hkrai shamu

  N-gup go balo lata go lagyo

  Nau chye nau lai gui hkye du bai

  Gadai hpa she n tsun majoi mi dinglun

  Aga go mati si zon nga ga gaja go n shaga

  Tsun ai go salang myit go numshe shang

  Rai na zon zon ka ka kok kok

  Moi hte ya na maren sha hpok

  Myit ai go magam ta tut go mayam

  Tinggyeng kanbau sha machyu

  Shawang amyit mung nang n su

  Chyasam wa ko ningchyang chyang

  Galo ai lam ni gui hkang hkang

  Kro wang myit madu nang n ding

  Do hka lam hkrai nang hta hpring

  Amyu a ntsa kasi gaja nang n tai

  Makam masham chyu htailai

  Shonglam shingran tsan tsan nang n mu

  Hpaji hparat hta mung tang n du

  N-gup mi tu majoi hkum jahtau

  Gui a npu kam rai hkum wau

  Amyu a myit hkrum lam hpe myit

  Shonglam lahkam ningnan sit

  Hka bra ninghpang gadai hkum tsun

  Do hka gamung hkum ahprun

  Dingdung dingda atsom sumru

  Sinpro sinna de sa chyan yu

  Lashum shot laba pot

  Majoi mi hkum jahta

  Ta tut hta she shakut ga