Jinghpo hpaji景颇文化

HPU HKAN AI NUM NAT HPE HPU JA HKAP JO AI DUMSA GA

诗歌——娶亲懂撒话

时间:2018-07-11 09:58:24 来源:德宏团结报

  (Shata 7 pro 6 na do)

  Le

  Ningsang Banang Tsen na

  Awun mado de gumrin mut

  Da lang jahpan de gumhkyin mut

  Daru ritdung manyi ai lu

  Magam numhton tsummat machyi ai lu

  Ye

  Hkinjong hkinlai shara go wai

  Laijum hkinjong laika hkinlai e

  Pun-yong shantau hta shum shala na nga ai

  Hkakyu nhtu sho shum jahta na nga ai

  Wuling shandi shala

  Pun-yong shantau

  Nga ling shantau shum jahat na nga ai

  Hkinjong hkinlai shara go

  Numtsun e nyem ningnam e gyem

  Hpugun yupdup sa gyem yang dai mung

  Daru ritdung e dang rai yang ra na lu

  Magam numhton tsummat lang ngai hkra na lu

  Daru ritdung masa

  Magam numhton tsummat magra ai lu

  Reng

  Hkringwa ashong mungngo yom rai yu mut

  Dumsa shong mungngo tom pru mut

  Daru ritdung pru wun pru mut

  Magam numhton tsummat pru wun ye pru

  Reng

  Ningsang Banang Tsen na

  Awun mado de gumrin mut

  Da lang jahpan de gumhkyin mut

  Ningsang Banang Tsen na

  Mahkan sainu shan shadu

  Sainu sindum shan gabyu shara go

  Sainu wan di ganong

  Jumjang makru gang gadong na nga ai

  Hpugun yupdup ranyem

  Sainu sindum shan shadu shala na nga ai

  Yumjin nat gyem

  Dai mung

  Daru ritdung magra ai lu

  Magam numhton tsummat masa ai lu

  Daru ritdung dang ngai ra

  Magam numhton tsummat lang ngai hkra na lu

  Amyi go hkra yang amyi ra wa

  Ata ko hkra yang ata ra wa

  Akan ko hkra yang akan ra wa

  Lahput ko hkra yang lahput ra wa

  Lago ko hkra yang lago ra wa ai lu

  Amyi gahtan e hkra yang amyi gahtan ra wa ai lu

  Daru ritdung magra ai lu

  Magam numhton tsummat masa ai lu

  Daru ritdung pru wun pru mut

  Magam numhtot tsummat pru wun pru mut

  Le

  Ningsang Banang Tsen na awun de gumrin mut

  Da-lang jahpan de gumhkyin mut

  Reng

  Daini ninghtoi e

  Dimi shayi ni

  Mayu Awun Gumgun Ningsang Banang tsen e

  Shihpu lijo shalai

  Ninggon ahpu ya shabai

  Hto shabrang kunglung hte e

  Ningnam shayi yen ne e

  Mayat maya lahkum sharing

  Gumja gumhpra tingnyang shachying yang

  Mayat maya lahkum nungsu na nga ai

  Gumja gumhpra tingnyang numnon na nga ai

  Hpugun yupdup nat mahkoi nyem ai kun

  Mahkang sungkung wa sa

  Dinyeng sumpum wa ya

  Sharung aja wa sa

  Mayat shingyang shakau noihkong wa sa yang

  Shakau noihkong go e nungsu

  Sharung noitung ningnon

  Mahkang sungkung

  Dinyeng sumpum nungshu nungnon na nga ai

  Hpugun nungsu nat gyem ai kun

  (Bai matut hti ga)