Jinghpo hpaji景颇文化

Shayi hpu hkan ai mayu Zali hkap jo ningngan ai dumsa ga

娶亲回礼懂撒话

时间:2018-07-06 09:37:45 来源:德宏团结报

  Ama hkonji machyi. Shabrang kunglung she madon mayu. (Datbung dem ai: Alat Gun Ong)

  (Shata 4 nhtoi 18 ya na do)

  Zali ningdung lut

  Sa-wa ninghtong zut di la nu

  Zali go-mai gadau gada let

  Ahpang lup sa kyet

  Ahpang lupsa ali hpungnang numdo gumrin

  Gadau gada sihtu sitep

  Alu nsa sinwa gumhkyin gun nin

  Lu gumrin nsa sinwa gumhkyin gun

  Gatsing shan gumrin gun

  Ginlang man gumhkyin gun

  Reng

  Shi ja gumrin

  Shayi ahpu numdo n yai sai

  Dimi shayi ni

  Shi hpu lajo shalai sai lu

  Ninggon ahpu ya shabai sai lu

  Shi hpu lajo masong sai

  Ninggon ahpu ya shatong sai ya

  Mayat maya hkum ningsu sa

  Shabrang kunglung

  Ningnam shayi

  Gumja gumhpra n ningnon sana

  Sharung aja jo hkat n ningsu

  Shi hpu shalat hkat

  Ninggon ahpu dat hkat

  Ginhto gin-ya

  Ginchya ginwa

  Mali hkraigung ngang ngin nga na masai

  Ningmai hkraigung kang ngin pra na masai

  Mayu mali go

  Shi hpu mali nan

  Shayi shadang Zali

  Hkinchyi mado en rot

  Kumbang jahpan htot hpang

  Hkring-yu ding yang

  Hkringdat rumta dumpyang

  Gadau gada lu gumrin

  Asa sinwa gumhkyin nin

  Ahpang lupsa ndo gumrin

  Asa sinwa gumhkyin nin

  Hkring-yu ding yang

  Hkringdat rumta dumpyang

  Zali hkring-yu hkringdat asin nga

  Sa-wa hkringdat alang ga

  Mayu mali Zali

  Hkring-yu lim

  Hkringdat tsim

  Shihpu lajo numbro brang

  Ninggon ahpu ya numshe dang

  Mayu shayi shadang Zali

  Shi hpu mali nan

  Mali hka dung Sa-wa

  Hkring-yu tsim nga

  Ajan long

  Machyu sumgon hpong nga sit e...

  (Ngut sai)