Jinghpo hpaji景颇文化

HPU HKAN AI NUM NAT HPE HPU JA HKAP JO AI DUMSA GA

娶亲礼节懂撒噶

时间:2018-06-15 17:56:37 来源:德宏团结报

  (Shata 6 nhtoi 13 na do)

  (Lahkan jo ai)

  Wo

  Mayu Mali

  Awun Gumgun Ningsang Banang Tsen

  Ndong Gumhpai Ahpa

  Daini Dimi shayi ni

  Shihpu lajo shilai

  Ninggon ahpu ya shabai ai

  Shihpu lijo shadu

  Ninggon ahpu ya jahkru

  Mayat maya lahkum sharing

  Gumja gumhpra tingnyang shachying

  Awun Magyit Gawoi Ningsang Banang Tsen e

  Dimi shiyi ni

  Shihpu lijo

  Gumdi loilung shagu

  Wuhkrung wundo wa lun shawang

  Garai n nyem ai

  Ndong Awun wudun linon

  Wugau wugot liton ni

  Hkungga wusa dun jahkap jahkrang garai n krem

  Awun Hkringyu wun htang

  Ndong Gumhpai Ningsang banang Tsen

  Awun hkringyu wun htang rai

  Awun hpunhprong hpunmai ladap lung

  Mashun hkinri ladap sa dung

  Awun mashun laga hkinri lung shanang

  Hpunhprong hpunmai ladap lung magang

  Wa hkrung wundo let n nyem

  Wa jot ahpang ngut

  Wa hkrung lahkan hkut

  Gumsi aja ngut

  Gumno hpaga hkut kyet ningda sai

  Hkringwa wa jot ahpang hpa mazing

  Wa ya matan hpang

  Wa hkrung lahkan

  Gumsi gumno ja hpa mazing

  Awun Magyit Gawoi Ningsang Banang Tsen

  Sumtsang ba noi ya

  Wa jot hpang

  Awun wa jot ahpang

  Ali hpungnang wom mu

  Asan bungsang tsom sai

  Awun wa hkrung lahkan hpa mazing

  Ningdung adi ninghtong asi

  Shadu shangut shanai jahkut

  Ningtsang dihpyi hprem

  Lapran dilam yen

  Ningdung di ninghtong si dungrong

  Hpoda htap hpodung nong ngai

  Hpoli ningdung lina

  Hpohkai matsun liga

  Hpongop reng

  Hpoga hpo hkop tseng

  Awun mashun laga hkinri e lau sa sai

  Ndong hpunhprong hpunmai ladap tu da

  Wa hkrung lahkan ndong adi dungrong

  Ninghtong si jinghtong tsom sai

  (Bai matut hti ga)