Jinghpo hpaji景颇文化

DUM HPRANG SAGA

醒醒吧

时间:2018-06-15 17:54:08 来源:德宏团结报

  (Shata 6 nhtoi 13 ya na do)

  Ndai hku nan myit nna, ndai hku nan shakut sa wa ra nga ai, gara hku shakut sa wa na hpe ndai hku myit lu ai: Anhte myu ting htunghking bo mi sha re ngu ai hku amyit jom jahkrum la ga, htunghking bo mi sha hku jom shagrin sa wa ga, myithkrum lam hta shada no shadum jahprang ra ai lam go nhpa, nang go Jinghpo, ngai go Azi Zaiwa, lera wa go Maru, shi go Lachi, ndai wa go Balo ngu nna hkum sa tsun ginghka garu chyai nga sa, ndai manga kru ning hta gara ko du yang mung shada tsun ginghka garu ai hkrai mi na lu ai, amyu langai mi sha wa ndai hku jom byin nga yang go kaga amyu ni e mani kau na hpe mung gadai n dum nga ga ai, dingyang ndai hku jom byin yu wa jang, ndai zon amyit n jom hkrum she rai nga yang go, gadai amyu e sa jahtum kau ya na pyi n ra ai anhte madu amyu e she jahtum la ai shani pru wa na re hpe son chye la ga, amyu langai mi sha labau rum ai hkrai, hpa rai masha n kau mi a kro lawang hta ndai zon lachyen lahka re myit wa ma ai kun? Ndai ni hpe tsun dat jang, anhte amyu hpe gaja wa yu yak dik sai lo...

  Nu wa myit su ni e! Amoi ko nna myit n hkrum hkat ai amyu ni wa re kun na, Jinghpo amyu ngu nna shamying ai hpe mung shada n kam madat hkat na mang hkang langai mi shatai nna tsun dangrang ga- sat hkat, hpa rai myithkrum gumdin rai madu amyu galu gaba wa na lam hpe go n jom myit sumru ai rai kun, udi a matu chyu jom tam, anga n rung masen nna n mai gano lai nga yang mung sa gano lai na hku go n byin ai lam sha re, shali laika ndai ko ga go ningngu mai jahkrat nga ai: Mi na labau jom rum nga yang, htunghking ngu ai bung nga yang, hka hkat mayu tim n mai byin ai lam sha re, Chyurum sha ni hta nang hpa ga mi shaga tim, manau sha dum ai amyu lakying rai jang, nang ganing di hka mat wa na? Htunghking gaba rai nga ai numbon numla (Mayu da-ma ngu nna jom makyit mahkai hkat ai) lam ko na sha pyi tsun dat tim, gadai raitim ganing di nan n mai hka ai, dai majo anhte chyurum wunpong myu sha ni hta ya yang ahkyak dik ai lam go amyit lalam ai hkohkam myit gun nna share shagan ai hpaji masha po pru na hpe she myit mada la nga ga ai, Jinghpo myit sha myit, Azi Zaiwa myit sha myit re lam hpe dom kau saga, yong asan sha chye hte maren, moi Munggu liya ga na jom pra yuvhkrat wa ai labau shong hpang hta nang Jinghpo mung hpang e go Azi Zaiwa tai mat wa ai mung lo lo nga ai, Azi Zaiwa mung Jinghpo tai mat ai mung lolo nga nga ai.

  (Bai matut hti ga)