Jinghpo hpaji景颇文化

DUM HPRANG SAGA

醒醒吧

时间:2018-06-11 16:09:30 来源:德宏团结报

  (Shata 6 pro 6 ya na do)

  Ding yang ndai zon jom byin yang shusha ni a prat hta anhte go Chyurum Wunpong amyu sha ni rai ga ai ngu nna labau ganing di matut ka yu wa lu na rai? Dai rai, shada shadum jahprang hkat ai lam go kyindut dik ai daram nan rai nga sai. Maning Yinnan amyu magam dap na sara Ma San Shanglot asuya ni hpe nsen hku nna shapoi maron ai ga dai go, ya myit yu yang, shi myit ai lam go gaja ai hku re, shada shadum jahprang ai ngu ai go rai da nu ai, dai she galo ai ladat wa n jo da nu ai, nsen manong nau wa achyo achya nga mat, anhte Chyurum Wunpong amyu ni go moi ko na raitim masha shada hkungga la ra chye ai amyu re, dai hta n-ga Myen mung de na masa hpe anhte Miwa mung e nga shanu ai ni shade n hkan chye ya ai, mung masa lam go grau na n chye ya ai daram re majo, anhte madu myit ai hku sha n mai shadang nga ai n rai i? Raitim, tengman ai hku sa tsun yu ga nga yang, sara Ma San wa tsun ndau ai hte maren, mungkan ga ntsa e masha ngu ai n shakut shaja du yang, nang ganing re hpe sa kam sham tim hpa n byin lu ai bo sha re. Ga shadon masha htinggo mi a akun hte ngu ga, shi sha n shakut yang lamu de na nang hpe n-gu tum hkyep mi mung n sa ru shayu dat ya ai, nang a prat tup la nga tim madu salu salat n pru ai gadai n jo sha nga ai! Mu magam bungli galo ai ni mung abo sha re, mungdan langai mi gogap la lu na rai yang, mung masha hpe dingman gaja ai zai ladat hpaji hte woion sa wa jang she byin lu ai, dai pyi no go aten ahkying na na (Mali manga shi ning rai na kun, shing nrai grau no na kun) rai shakut jang she mungdan lu gogap la lu nhten! Sha nrai yang nang Sinna ga na makam masham hpe she kam, shing nrai garai gasang hpe wa mi sa kam sham tim abo sha re, masha e sha n shakut shaja yang mungdan n lu gap jahkrat la lu ai, garai gasang wa e nang hpe “Mo mo” nga n ladon ya ai, mahkon langai mi hta nhpa “Lu na sha na garai gasang e hpan ton ya” nga ai go manyi hpa sha she re, garai gasang hpan ton ya ai nga ai go sha da ahpyang hkat ai lamsha re. ( Ya na lang bai matut hti ga)